අක්මීමන – හිනිඳුම්ගොඩ කනිෂ්ඨ විද්යාලය අසළ කාන්තාවක් අනතුරට ලක්කර පලායාමේ සිද්ධියට සම්බන්ධයෙන් අත්අඩංගුවට ගැනුණු 16 හැවිරිදි පාසල් සිසුවා ලබන 05 වනදා දක්වා කිතුලම්පිටිය ළමා නිවාසයේ රඳවා තබන ලෙස නියෝග කර තිබෙනවා.
සැකකාර සිසුවා අද (25) ගාල්ල අතිරේක මහේස්ත්රාත් ලක්මිණි විදානගමගේ මහත්මිය හමුවට ඉදිරිපත් කිරීමෙන් අනතුරුවයි මෙම නියෝගය නිකුත් කර ඇත්තේ.
අක්මීමන – හිනිඳුම්ගොඩ කනිෂ්ඨ විද්යාලය අසළ ඊයේ (24) සිදු වූ රිය අනතුරකින් කන්තාකට පාදයක කොටසක් අහිමිව ගියා.
සැකකාර සිසුවා පැදවූ යතුරුපැදියේ ගැටීමෙන් මෙම කාන්තාව අනතුරට ලක්ව තිබූ අතර, අනතුරින් කාන්තාවගේ එක් පාදයක් වළලුකරට ඉහළින් වෙන් වී තිබෙනවා.
එලෙස වෙන් වූ පාදයේ කොටස යතුරුපැදියේ ඇමිනී ඇති අතර, ඒ බව නොදැන යතුරුපැදිය ද රැගෙන අදාළ සිසුවා එම ස්ථානයෙන් පළාගොස් ඇති බවයි වාර්තා වන්නේ.
යතුරුපැදිය ද සමඟ පළා ගිය පාසල් සිසුවා නිවසට පැමිණි පසු යතුරුපැදියේ ඇමිනී තිබූ පාදයේ කොටස දැකඇති අතර, පසුව ඔහු එය රෙදි කැබැල්ලක ඔතා කැලයකට විසිකර යතුරුපැදිය සෝදා පිරිසිදු කර ඇති බවයි පොලිසිය සඳහන් කළේ.
මෙම අනතුර සම්බන්ධයෙන් විමර්ශන ඇරඹු පොලිසිය සැකකාර සිසුවා අත්අඩංගුවට ගැනුණු අතර, එහිදී සිසුවා කැලයකට විසිකර තිබූ කාන්තාවගේ පාදයේ කොටස ද සොයා ගැනුණා.
අත්අඩංගුවට ගැනුණු සැකකාර සිසුවා අද අධිකරණයට ඉදිරිපත් කිරීමෙන් අනතුරුවයි අද දින මෙම නියෝගය ලබාදී ඇත්තේ.
ලැබූ කාන්තාව කරාපිටිය රෝහලට ඇතුළත් කර ඇති අතර, ඇය මේ වනවිට එහි ප්රතිකාර ලබනවා.
ලමුන් යතුරුපැදි, වාහන පැදිම ගැන දෙමාපියන් බෙහෙවින් සැලකිලිමත්විය යුතියි!