දකුණු ලෙබනනයේ අවම වශයෙන් ගම්මාන සහ නගර 53 ක පදිංචිකරුවන්ට තම නිවාසවලින් ඉවත්වන ලෙසට ඊශ්රායල හමුදාව නියෝග කර තිබෙනවා.
දකුණු ලෙබනනයේ හරිස්, නබතිහ්, අල්-ෆව්කා යන නගර තුනට ඊශ්රායලය එල්ල කළ ප්රහාරවලින් අනතුරුව නෙන නියෝග නිකුත් කර ඇති බවයි වාර්තා වන්නේ.
“ඔබේ ආරක්ෂාව සඳහා, ඔබ වහාම ඔබේ නිවාස අතහැර ගම්මානවලින් අවම වශයෙන් මීටර් 1,000ක් දුරින් විවෘත ප්රදේශවලට යා යුතුයි.” යන්න අනතුරු ඇඟවීමේ සඳහන් වන අතර, හිස්බුල්ලා සාමාජිකයින්, එහි පහසුකම් හෝ හමුදා වත්කම් අසල සිටින ඕනෑම අයෙකු ඔවුන්ගේ ජීවිත අවදානමට ලක් කරන බවත් ඊශ්රායල හමුදාව නිකුත් කළ නිවේදනයේ සඳහන්.
ඊශ්රායල හමුදාව නිකුත් කර ඇති නියෝගයත් සමඟ ගම්මාන දුසිම් ගණනක ජනතාව මේ වනවිටත් සිය නිවාස අතහැර එම ප්රදේශවලින් ඉවත්ව ආරක්ෂිත ප්රදේකරා යෑම අරඹා ඇති බව විදෙස් මාධ්ය වාර්තා කරනවා.
මෙලෙස විශාල පිරිසක් සිය නිවාස අතහැර ඉවත්ව යාමත් සමඟ මේ වනවිට බේරූට් සහ සීදොන්හි දැඩි රථවාහන තදබදයක් පවතින බවයි තොරතුරු වාර්තා වන්නේ.
දකුණු දකුණු ලෙබනනයේ ටයර් කලාපයේ සිට බේරූට් සහ උතුරු ලෙබනනය දෙසට මෙලෙස ලෙබනන් වැසියන් ගමන් කරන බව විදෙස් වාර්තා වැඩිදුරටත් තොරතුරු වාර්තා කරනවා.
උතුරු ඊශ්රායලයේ හයිෆා අසල හමුදා කඳවුරකට හිස්බුල්ලා සංවිධානය රොකට් සහ ඩ්රෝන ප්රහාරයක් එල්ල කිරීමෙන් පසු ඊශ්රායල ජෙට් යානා ලෙබනනයේ බේරූට් වෙත බෝම්බ හෙළා තිබෙනවා.
අද (02) අලුයම ලෙබනන් හිස්බුල්ලා සංවිධානය පැවසුවේ ඉරානයේ උත්තරීතර නායක අලි කමේනි ඝාතනයට පළිගැනීමක් ලෙස ඊශ්රායලයේ හයිෆා අසල හමුදා කඳවුරකට ප්රහාර එල්ල කළ බවයි.
කිනම් රටක උවත් ඔය යුධ කරන්නේ ජනතාවට දේපල අරන් දෙන්නද? ජනතාවට ඕන නිසාද? කෙලවරට ගිහින් බැලුවම මුන් ඔක්කොම මානසික රෝගියො.