ඉන්දීය මධ්යම අධ්යාපන අමාත්ය ධර්මේන්ද්ර ප්රධාන්ගේ ඉල්ලා අස්වීම ‘ප්රජාතන්ත්රවාදයට ලැබුණු විශාල ජයග්රහණයක්’ බව හිටපු දිල්ලි මහ ඇමති අරවින්ද් කෙජ්රිවාල් පවසනවා.
සිය එක්ස් ගිණුම ඔස්සේ විශේෂ ප්රකාශයක් කරමින් දිල්ලි හිටපු මහ ඇමතිවරයා මේ බව සඳහන් කළා.
ධර්මේන්ද්ර ප්රධාන්ගේ ඉල්ලා අස්වීම පිළිබඳව මුළු රටටම සුබ පැතුම් එක්කරන බවත්, එය ප්රජාතන්ත්රවාදයට ලැබුණු විශාල ජයග්රහණයක් බවත් ඔහු වැඩිදුරටත් පවසනවා.
තරුණ ප්රජාව නියෝජනය කරන ‘කැරපොත්තන්ගේ ජනතා පක්ෂය’ මේ වනවිට දැවැන්ත විරෝධතා ව්යාපාරයක් ආරම්භ කර ඇති අතර, විරෝධතාකරුවන්ගේ ඉල්ලීම්වලින් ප්රධානතම ඉල්ලීමක් වී තිබුණේ ඉන්දීය මධ්යම අධ්යාපන අමාත්යවරයා ඉල්ලා අස්විය යුතු බවයි.
මේ අතර මධ්යම අධ්යාපන අමාත්ය ධර්මේන්ද්ර ප්රධාන්ගේ ඉල්ලා අස්වීමට ප්රතිචාර දක්වමින් කැරපොත්තන්ගේ ජනතා පක්ෂය එක්ස් හි සටහනක් තබමින් කියා සිටියේ, “අධ්යාපන අමාත්යවරයා සිය ඉල්ලා අස්වීම ඉදිරිපත් කර ඇත. ශිෂ්ය බලයට දීර්ඝායුෂ!” යනුවෙනි.
කොක්රෝච් ජනතා පක්ෂය හෙවත් කැරපොත්තන්ගේ ජනතා පක්ෂය සහ ඉන්දීය මධ්යම රජය අතර පැවැත්වීමට නියමිතව තිබූ තෙවන වටයේ සාකච්ඡාවලට පැය කිහිපයකට පෙර ඉන්දීය අධ්යාපන අමාත්ය ධර්මේන්ද්ර ප්රධාන් සිය ධුරයෙන් ඉල්ලා අස්වන බවට ලිපියක් අග්රාමාත්ය නරේන්ද්ර මෝදි වෙත යොමු කරමින් දන්වා තිබුණා.
