ඉන්දියාවේ උත්තරකාන්ද් ප්රාන්තයේ අල්මෝරා ප්රදේශයේ දී අද (04) උදෑසන සිදු වූ බස් රථ අනතුරින් මිය ගිය සංඛ්යව 36ක් දක්වා ඉහළ ගොස් තිබෙනවා.
ඉන්දීය මාධ්ය වාර්තා කළේ ආසන 45 කින් යුත් මගී බස් රථය ගාර්වාල් සිට කුමාඕන් දක්වා ගමන් කරමින් සිටිය දී මීටර් 200 ක් ගැඹුරු දුර්ගයකට වැටී ඇති බවයි.
එම අවස්ථාවේ දී බස් රථයේ මගීන් 40 දෙනෙකු සිට ඇති බවයි තොරතුරු වාර්තා වුණේ.
පොලීසිය සහ රාජ්ය ආපදා ප්රතිචාර බලකාය අනතුර සිදුවූ ස්ථානයේ ආරම්භ කළ මුදාගැනීමේ මෙහෙයුම තවදුරටත් ක්රියාත්මක බවයි ඉන්දීය මාධ්ය වැඩිදුරටත් තොරතුරු වාර්තා කළේ.
මෙම බස් රථය ගාර්වාල් මෝටර් රථ හිමියන්ගේ සංගමයට අයත් රථයක් බවට අනාවරණය වී ඇති අතර, ඛේදවාචකයට තුඩු දුන් තත්ත්වයන් හඳුනාගැනීම සඳහා පරීක්ෂණයක් ආරම්භ කර තිබෙනවා.
