අති සාර්ථකව පෘථිවියට පැමිණි ආටෙමිස් II කාර්ය මණ්ඩල සාමාජිකයින් හතරදෙනා හෙළිකොප්ටර් යානා මගින් මේ වනවිට ඇමරිකානු නාවික හමුදාවට අයත් USS ජෝන් පී මුර්තා නෞකාව වෙත රැගෙනවිත් ඇති බව විදෙස් මාධ්‍ය වාර්තා කරනවා.
ඔරියන් කැප්සියුලයෙන් පිටතට ගෙන නෞකාව වෙත රැගෙන ආ රීඩ් වයිස්මන්, වික්ටර් ග්ලෝවර්, ක්‍රිස්ටිනා කොච් සහ ජෙරමි හැන්සන් යන ගගනගාමීන් හතර දෙනා යහපත් තත්ත්වයෙන් පසුවන බවයි නසා ආයතනය නිවේදනය කළේ.
සෑම ගගනගාමියෙකුගේම හෘද ස්පන්දනය, රුධිර පීඩනය, මොළය සහ ස්නායු ප්‍රතිචාර සහ සමබරතාවය පිළිබඳව වෛද්‍යවරුන් විසින් තවදුරටත් පරීක්ෂා කරන බවයි නසා ආයතනය පවසන්නේ.
මේ අතර මෙම සඳ මෙහෙයුම සඳහා එක් වූ ක්‍රිස්ටිනා කොච් සහ වික්ටර් ග්ලෝවර්, USS ජෝන් පී මුර්තා නෞකාවට ගොඩබානු ලැබූ හෙලිකොප්ටරයේ වාඩි වී සිටින අයුරු දැක්වෙන ඡායරූපයක් විදෙස් මාධ්‍ය ප්‍රසිද්ධියට පත්කර තිබෙනවා.
Thanks