තලංගම පොලිස් වසමේ අකුරේගොඩ සුපිරි වෙළඳසැලක රථගාලේ ඊයේ (13) පස්වරුවේ සිදු වූ වෙඩි තබා ද්විත්ව මනුෂ්ය ඝාතනයට සම්බන්ධ සැකකරුවන් හඳුනාගැනීමට පොලිසිය මහජන සහාය පතනවා.
පොලිසිය පවසන්නේ අපරාධය සිදුකළ වෙඩික්කරුවන් හෝමාගම, පොතුඅරාව පාර, අතුරුගිරිය, කොට්ටාව සහ මාකුඹුර යන ප්රදේශ හරහා ගමන් කර ඇති බවට දැනට සිදුකරමින් පවතින විමර්ශනවල දී අනාවරණය වී ඇති බවයි.
ඒ, අනුව මෙම සිදුවීම සිදු වූ ඊයේ (13) දින සවස් කාලයේ ඉහත මාර්ගවල ගමන් ගත් රථවාහනවල සවිකර ඇති කැමරා පද්ධතිවල (ඩෑශ් කැමරා) මෙම සැකකරුවන් පැමිණ ඇති බවට සැක කරෙන අංක EP KI-7738 දරණ කාර් රථය ගමන් කරන ආකාරය සටහන්ව තිබිය හැකි බවයි පොලිසිය පවසන්නේ.
ඊයේ (13) දින සවස් කාලයේ ඉහත ප්රදේශවල ගමන් ගත් වාහන හිමිකරුවන් සහ රියදුරන්ට පොලිසිය දැනුම් දෙන්නේ අපරාධකරුවන් පැමිණි කාර් රථයේ දර්ශන තම වාහනයේ කැමරාවල පටිගත වී ඇත් ද යන්න පරීක්ෂා කර බලා එවැනි දර්ශන ඇත්නම් නම් පොලිසියට දැනුම්දෙන ලෙසයි.
ඒ, අනුව 071 8598008 සහ 071 8592279 යන දුරකථන අංක වෙත දැනුම්දෙන ලෙස පවසන පොලිසිය එලෙස ලබාදෙන තොරතුරුවල පූර්ණ රහසිගත භාවය සුරකින බවට ද දන්වා සිටිනවා.
තලංගම පොලිස් වසමේ අකුරේගොඩ ප්රදේශයේ සුපිරි වෙළඳ සැලක රථගාලක මෝටර් රථයක් තුළ සිටි යුවළකට කාර් රථයකින් පැමිණි නාඳුනන පුද්ගලයන් දෙදෙනෙකු විසින් වෙඩි තබා ඝාතනය කර පලා ගොස් තිබුනේ ඊයේ (13) පස්වරුවේයි.
මෙම අපරාධය සම්බන්ධයෙන් පොලිස්පතිතුමාගේ උපදෙස් පරිදි විශේෂ පොලිස් කණ්ඩායම් 10ක් මඟින් මේ වන විට විමර්ශන ආරම්භ කර තිබෙනවා.
