සමාජ මාධ්ය වේදිකාවක් වන TikTok විසින් මැලේසියාවේ කාර්ය මණ්ඩලය විශාල සංඛ්යාවක් ඇතුළුව සිය ගෝලීය ශ්රම බලකායෙන් සිය ගණනක් සේවකයින් ඉවත් කරන බව නිවේදනය කළා.
සමාගම ප්රකාශ කළේ AI වැඩි වශයෙන් භාවිතා කිරීම කෙරෙහි අවධානය යොමු කරන බැවින් මෙම රැකියා කප්පාදුව සිදු කරන බවයි.
මැලේසියාවේ රැකියා 700 කට වැඩි ප්රමාණයක් කපා හැර ඇති බව මීට පෙර මේ සම්බන්ධයෙන් හුරුපුරුදු මූලාශ්ර දෙකක් උපුටා දක්වමින් රොයිටර් පුවත් සේවය වාර්තා කළා.
චීනයේ ByteDance සතු TikTok, පසුව පැහැදිලි කළේ රටේ සේවකයින් 500 කට වඩා අඩු ප්රමාණයකට රැකියා අහිමි වන බවයි.
බොහෝ සේවකයින්ට ඔවුන් සේවයෙන් පහ කිරීම පිළිබඳ විද්යුත් තැපෑලෙන් දන්වා තිබෙනවා.
සමාගමේ වෙබ් අඩවියට අනුව ගෝලීය වශයෙන් නගර 200කට වඩා වැඩි ගණනක ByteDance හි සේවකයින් 110,000කට අධික සංඛ්යාවක් සිටිනවා.
එහි කලාපීය මෙහෙයුම් ඒකාබද්ධ කිරීමට බලාපොරොත්තු වන බැවින් තාක්ෂණ සමාගම ලබන මාසයේ තවත් සේවකයින් සේවයෙන් පහකිරීමට සැලසුම් කරමින් සිටින බව ද සඳහන්.
