ටික්ටොක් ගිණුම මකා දැමීම ප්‍රතික්ෂේප කිරීම හේතුවෙන් තම දියණිය ඝාතනය කළ පියෙකු පිළිබඳ පුවතක් පාකිස්ථානයෙන් වාර්තා වනවා.
විදෙස් වාර්තා සඳහන් කළේ 16 හැවිරිදි දැරියක් සිය පියා විසින් මෙලෙස ඝාතනය කර ඇති බවයි.
ඝාතනය සිදුකළ පියා පොලිසියට පවසා ඇත්තේ දියණියගේ ටික්ටොක් ගිණුම මකා දමන ලෙස පැවසූ නමුත් ඇය එය දිගින් දිගටම ප්‍රතික්ෂේප කළ බවයි.
ඒ, හේතුවෙන් තම ගෞරවය රැකගැනීම සඳහා වෙඩි තබා තම දියණියව ඝාතනය කර බවයි ඔහු වැඩිදුරටත් පොලිසියට පවසා ඇත්තේ.
ඉස්ලාමාබාද් අගනුවරට යාබදව වූ රාවල්පින්ඩි නගරයේ නිවසක මෙම අපරාධය සිදුකර ඇති අතර, ඝාතනයෙන් පසු එය සියදිවි නසා ගැනීමක් ලෙස නිරූපණය කිරීමට දැරියගේ පියා සහ පවුලේ ඥතීන් උත්සාහ ගෙන ඇති බවයි පාකිස්ථාන පොලිසිය පවසන්නේ.
පාකිස්තානයේ TikTok ඉතා ජනප්‍රිය සමාජ මෂ්‍ය වේදිකාවන් වන අතර, එයට හේතුව අඩු සාක්ෂරතා මට්ටම් ඇති ජනගහනයක් එරට තුළ සිටීම බවයි විශේලේෂකයින් සඳහන් කරන්නේ.
