මත්ද්රව්ය ජාවාරම් සම්බන්ධයෙන් අත්අඩංගුවට ගෙන රඳවාගෙන සිටින පොලිස් විශේෂ කාර්ය බළකායේ පොලිස් පරීක්ෂක අජිත් ප්රේමලාල් නමැත්තා මත්ද්රව්ය ජාවාරමෙන් උපයා ගත් රුපියල් ලක්ෂ 25ක මුදලක් මුස්ලිම් ජාතික ව්යාපාරිකයකු ළඟ ආයෝජනය කර ඇති බව හෙළි වී ඇත.
එමෙන්ම ඔහු අක්කරයක ඉඩමක් මිලදී ගෙන තිබෙන බවත් අපරාධ පරීක්ෂණ දෙපාර්තමේන්තුව ඊයේ (25 වැනිදා) කොළඹ මහෙස්ත්රාත් අධිකරණයට වාර්තා කර තිබේ.
පොලිස් මත්ද්රව්ය නාශක කාර්යාංශය මගින් අත්අඩංගුවට ගනු ලබන මත්ද්රව්ය තොග ජාවාරම් කළේ යැයි සැකපිට එම කාර්යාංශයේ නිලධාරීන් පිරිසකට එරෙහිව මුදල් විශුද්ධිකරණ පනත යටතේ ගොනු කර තිබෙන පැමිණිල්ලකට අදාළව කරුණු වාර්තා කරමින් අපරාධ පරීක්ෂණ දෙපාර්තමේන්තුවේ නිලධාරීන් මෙම දැනුම් දීම කර ඇත. අපරාධ පරීක්ෂණ දෙපාර්තමේන්තුව අධිකරණයට ඉදිරිපත් කර තිබෙන වැඩිදුර වාර්තා වේ සඳහන් කර තිබෙන්නේ එම ආයෝජනය වෙනුවෙන් ඔහුට මාසිකව 2.5%ක පොලි මුදලක් හිමිවී තිබෙන බවයි. ඊට අමතරව අදාළ පොලිස් පරීක්ෂකවරයා සිය නිවස ආසන්නයේ පිහිටි අක්කරයක පමණ ඉඩමක් මිලදී ගෙන තිබෙන බවත් ඔහු පදිංචි නිවස අසාමාන්ය ආකාරයෙන් වරින් වර නවීකරණය කර ඇති අතර අවස්ථා ගණනාවකදී විශාල සාද පවත්වා තිබෙන බවටත් විමර්ශනවලදී කරුණු අනාවරණය වී තිබෙන බව අපරාධ පරීක්ෂණ දෙපාර්තමේන්තුව අධිකරණයට ඉදිරිපත් කළ වාර්තාවෙන් සඳහන් කර ඇත.
අධිකරණ වාර්තාකරු
