ශ්රී ලංකන් ගුවන් සේවයේ පුහුණු පාසල වන Sri Lankan Aviation College; නේපාල සිවිල් ගුවන් සේවා අධිකාරියේ සහතිකකරණය හිමිකරගෙන තිබෙනවා.
ශ්රී ලංකන් එයාර්ලයින්ස් නිවේදනයක් නිකුත් කරමින් සඳහන් කළේ; මෙම සහතිකකරණය අනුව ශ්රී ලංකන් ඒවියේෂන් කොලේජ් නේපාලයේ එකම NCAR Part – 147 හෙවත් නඩත්තු පුහුණු පාඨමාලා පැවැත්වීමට අවශ්ය නේපාල සිවිල් ගුවන් සේවා අධිකාරියේ සහතිකය අනුමත එම රාජ්යයේ ප්රමුඛතම ගුවන් සේවා පුහුණු ආයතනය බවට පත් වූ බවයි.
මෙම ජයග්රහණයත් සමග හිමාලයා එයාර්ලයින්ස් සහ අනෙකුත් කලාපීය ගුවන් සමාගම්වලට ශ්රී ලංකන් ඒවියේෂන් කොලේජ් හා සහයෝගයෙන් කටයුතු කිරීමට ද අවස්ථාව උදා වනවා.
යුරෝපා සංගමයේ ගුවන් සේවා ආරක්ෂණ නියෝජිතායතනය විසින් අනුමත කරන ලද පුහුණු පාඨමාලා හැදෑරීමටත්, නේපාලය තුළ ගුවන් සේවා කුසලතා සහ නිපුණතා ඉහළ නැංවීමටත් දායක වීමේ ඉඩකඩ ලැබෙනු ඇති.
