රාජගිරියේදී අද අලුයම සිදු වූ අනතුරකින් රථ වාහන පරීක්ෂාවේ යෙදී සිටි උප පොලිස් පරීක්ෂකවරයෙකු ඇතුළු දෙදෙනෙකු ජීවිතක්ෂයට පත් වුණා.
එම පොලිස් නිලධාරින් කුඩා ලොරි රථයක් පරීක්ෂා කරමින් සිටියදී වේගයෙන් පැමිණී වෑන් රථයක් කඩා වැදීමෙන් මෙම අනතුර සිදු වූ බවයි වාර්තාවන්නේ. රාජගිරිය බණ්ඩාරනායකපුර මාර්ගය ආසන්නයේදී මෙම අනතුර සිදුව ඇත්තේ අද අලුයම 4.30ට පමණයි. සිද්ධියවන අවස්ථාවේදී රථ වාහන පරීක්ෂාවේ නිරතව සිටි පොලිස් නිලධරින් විසින් කුඩා ලොරි රථයක් පරික්ෂාවට ලක් කරමින් සිටි බවයි පොලිසිය පැවසුවේ. අනතුර සිදුකළ රියදුරා මෙන්ම අදාළ වෑන් රථයද පොලිස් භාරයට ගත් අතර, එහි හිමිකරු ද අද වැලිකඩ පොලිස් ස්ථානයට පැමිණ සිටියා.
මෙම අවාසනාවන්ත අනතුරින් මියගියේ ගාල්ල වලහංදූව බඳුන්ගොඩ ප්රදේශයේ පදිංචි රංජිත් ප්රියන්ත නමැති 52 හැවිරිදි එක්දරු පියෙක්. තම පුතුට අත්වූ මෙම අවාසනාවන්ත ඉරණම දැනගත් ඔහුගේ මව දැඩිලෙස කම්පාවට පත් වුණේ මේ ආකාරයෙන්.
