කොළඹ වරාය නගර පර්යන්තයේ (port city) දී අද (21) උදෑසන රිය අනතුරක් සිදු ව තිබෙනවා.
මෙලෙස අනතුරට ලක් ව ඇත්තේ පෝට් සිටි පර් යන්තයට ධාවනය වෙමින් තිබූ සුඛෝපභෝගී මෝටර් රථයක්.
අදාළ මෝටර් රථය වේගය පාලනය කරගත නොහැකි ව ගොස් පර් යන්තයේ තිබූ ආලෝක කණුවක ගැටී තිබෙනවා.
කිසිදු ජීවිත හානියක් වාර්තා නොවන අතර, මෝටර් රථයට මෙන් ම ආලෝක කණුවට ද හානි සිදු ව ඇති බවයි වාර්තා වන්නේ,
නමුත් මෙම සිදුවීමට රථයෙහි රියදුරු පොලිස් අත්අඩංගුවට ගෙන නැති බව ද වාර්තා වනවා.
අප කළ සොයා බැලීමක දී අනාවරණය වූයේ අනතුර සිදු කළ තැනැත්තා විසින් ආලෝක කණුවට සිදු වූ අලාභ හානිය ගෙවීමට එකඟ වීම මත එය සමථයකට පත් ව ඇති බවයි.
