2026 ලංකා ප්රිමියර් ලීග් තරගාවලිය ආරම්භ කරමින් ඊයේ (17) පැවති පළමු තරගයෙන් ජය ගැනීමට දසුන් ශානක නායකත්වය දරණ ගෝල් ගැලන්ට්ස් කණ්ඩායමට හැකියාව ලැබුණා.
ගෝල් ගැලන්ට්ස් කණ්ඩායම මෙම තරගය ජයගත්තේ, ජැෆ්නා කිංග්ස් කණ්ඩායම ලකුණු 36කින් පරාජය කරමින්.
කොළඹ SSC ක්රීඩාංගණයේ දී පැවති මෙම තරගයේ පළමුවෙන් පන්දුවට පහරදුන් ගෝල් ගැලන්ට්ස් කණ්ඩායම නියමිත පන්දුවාර 20 අවසානයේ කඩුලු 06ක් දැවී 213ක දැවැන්ත ලකුණු පුවරුවක් නිර්මාණය කළා.
ගෝල් ගැලන්ට්ස් ඉනිම වෙනුවෙන් ප්රහාරාත්මක ඉනිමක් කිහිපයක්ම දියත් වූ අතර, එහිදී චරිත් අසලංක පන්දු 38කදී හතරේ පහර 07ක් සහ හයේ පහර 03ක් ද සමඟින් ලකුණු 65 කළා.
එමෙන්ම ගෝල් ගැලන්ට්ස් ආරම්භක පිතිකරු සෑම් හාපර් පන්දු 19ක් තුළ වේගවත් ලකුණු 40ක් රැස් කිරීමට සමත් වුණා.
ගැලන්ට්ස් ඉනිමේ අවසන් පන්සු කිහිපය තුළ ක්රියාත්මක වූ නායක දසුන් ශානක පන්දු 09ක් තුළ ප්රවේගකාරී ඉනිමක් ක්රීඩා කරමින් හයේ පහර 03ක් සහ හතරේ පහර 02ක් ද සමඟ ලකුණු 31ක් සිය කණ්ඩායම වෙනුවෙන් වාර්තා කළා.
අනතුරුව ලකුණු 214ක දැවැන්ත ඉලක්කයක් හඹා යෑමට පිටියට පිවිසි ජැෆ්නා කිංග්ස් කණ්ඩායමට පන්දුවාර 19යි පන්දු 04ක් තුළ සියල්ලන් දැවී රැස්කරගත හැකි වූයේ ලකුණු 177ක් පමණයි.
ජැෆ්නා කිංග්ස් ඉනිම වෙනුවෙන් අවිශ්ක ප්රනාන්දු ලකුණු 34ක් රැස්කළ අතර, දුනිත් වෙල්ලාලගේ ලකුණු 40ක් රැස් කළා.
පන්දු යැවීමේ දී එෂාන් මාලිංග කඩුලු 04ක් සහ අකිෆ් ජාවෙඩ් අඩුලු 02ක් බිඳ දැමුවා.
ඒ, අනුව මෙම තරගයෙන් ගෝල් ගැලන්ට්ස් කණ්ඩායමට ලකුණු 36ක ජයක් හිමි වුණා.
.
