බදුල්ල – මහියංගනය ප්රධාන මාර්ගයේ අඹගස්ඔය ප්රදේශයේ පෙරේදා සිදු වූ බස් රථ අනතුරින් ජීවිතක්ෂයට පත් වූ විශ්ව විද්යාල සිසුවියන් දෙදෙනාගේ අවසන් කටයුතු අද (03) දිනයේ සිදු කිරීමට නියමිතව තිබෙනවා.
මොවුන්ගේ අවසන් කටයුතු කොතලාවල ආරක්ෂක විශ්වවිද්යාලයේ පූර්ණ අනුග්රහය යටතේ සිදුකිරීමට නියමිතයි.
මෙම බස් අනතුරින් අවාසනාවන්ත ලෙස ජීවිතක්ෂයට පත් වුණේ නිවිතිගල, තොලබුගමුව, පහළ කන්ද ප්රදේශයේ පදිංචිව සිටි ඉසුරි උමයංගනා සහ කුරුණෑගල, හුණුපොලගෙදර, අඹකොටේ ප්රදේශයේ පදිංචිව සිටි පුබුදි හෙට්ටිමුල්ල නැමැති සිසුවියන් දෙදෙනෙක්.
කොතලාවල ආරක්ෂක විශ්වවිද්යාලයේ සිසුන් පිරිසක් රැගත් බස් රථය පෙරේදා (01) උදෑසන බස් රථයේ ඇති වූ කාර්මික දෝෂයක් හේතුවෙන් අනතුරට ලක්ව තිබුණා.
එම අවස්ථාවේ දී එහි රියදුරා ඇතුළු 42 දෙනෙක් සිටි බවයි තොරතුරු වාර්තා වූණේ.
