Rajapura Handi Oil
Rajapura Diabetic Powder

ISIS සංවිධානයේ දෙවන අණදෙන නිලධාරියා ඝාතනය කළ බව ට්‍රම්ප් කියයි

ISIS ත්‍රස්ත සංවිධානයේ දෙවන අණදෙන නිලධාරියාවන අබු-බිලාල්-අල්-මිනුකි ඝාතනය කළ බව ඇමරිකානු ජනාධිපති ඩොනල්ඩ් ට්‍රම්ප් පවසනවා.

ඇමරිකානු හමුදා සහ නයිජීරියාවේ සන්නද්ධ හමුදාව එක්ව සිදුකළ මෙහෙයුමක දී අබු-බිලාල්-අල්-මිනුකි ඝාතනය කිරීමට හැකි වූ බවයි ට්‍රම්ප් සඳහන් කළේ.

ට්‍රම්ප් ඊයේ (15) Truth Social සමාජ මාධ්‍යයේ සටහනක් තබමින් අබු-බිලාල්-අල්-මිනුකිගේ ඝාතනය පිළිබඳව පුවත ලෝකයට දැනුම් දුන්නා.

“අද රාත්‍රියේ, මගේ මඟ පෙන්වීම යටතේ, නිර්භීත ඇමරිකානු හමුදා සහ නයිජීරියාවේ සන්නද්ධ හමුදා ලෝකයේ වඩාත්ම ක්‍රියාකාරී ත්‍රස්තවාදියා යුධ පිටියෙන් තුරන් කිරීම සඳහා ඉතා සූක්ෂම ලෙස සැලසුම් කළ සහ ඉතා සංකීර්ණ මෙහෙයුමක් දෝෂ රහිතව ක්‍රියාත්මක කළා. ඔහු තවදුරටත් අප්‍රිකාවේ ජනතාව භීතියට පත් නොකරනු ඇත, නැතහොත් ඇමරිකානුවන් ඉලක්ක කර මෙහෙයුම් සැලසුම් කිරීමට උදව් නොකරනු ඇත.”

ISIS ත්‍රස්ත සංවිධානයේ දෙවන අණදෙන නිලධාරියා වූ අබු-බිලාල්-අල්-මිනුකි අප්‍රිකාවේ සැඟවී සිටින බවට තොරතුරු හෙළිකරගෙන තිබුණා.

මේ අතර මෙහෙයුමේ හවුල්කාරිත්වය සඳහා ඩොනල්ඩ් ට්‍රම්ප් නයිජීරියානු රජයට ද ස්තූතිකර තිබෙනවා.