ඉන්දීය ප්රිමියර් ලීග් තරගවලියේ 15 වන අදියර පසුගිය ඉරිදා නිමා වුණේ හර්දික් පාණ්ඩ්යාගේ නායකත්වයෙන් යුත් ගුජරාට් ටයිටන්ස් කණ්ඩායමට ජයග්රහණය හිමිකර දෙමින්.
කොවිඩ් වසංගත තත්ත්වය හේතුවෙන් මෙවර අයි.පී.එල්. තරගාවලිය ක්රීඩාංගණ 06ක පමණක් පවත්වන්නට සංවිධායකයින් කටයුතු කර තිබුණා.
මේ අතර එම ක්රීඩාපිටි භාරකරුවන් ඇතුළු කාර්ය මණ්ඩලවලට ඉන්දීය රුපියල් එක්කෝටි විසිපන්ලක්ෂයක මුදල් පරිත්යාගයක් පිරිනමන බව ඉන්දීය ක්රිකට් පාලක මණ්ඩලය නිවේදනය කර තිබෙනවා.
ඉන්දීය ක්රිකට් පාලක මණ්ඩලයේ (BCCI) ලේකම් ජේ ෂා විසින් ඊයේ ට්විටර් පණිවුඩයක් මඟින් මේ බව දන්වා තිබුණා.
මෙවර අයි.පී.එල් තරගාවලියේ මූලික වටයේ තරග මුම්බායි හි Brabourne සහ වන්කඩේ ක්රීඩාංගන, Navi Mumbai හි DY Patil ක්රීඩාංගනය සහ පූනේහි මහාරාෂ්ට්ර ක්රිකට් සංගමයේ (MCA) ක්රීඩාංගනය යන ක්රීඩාංගනවලදී පැවැත් වුණා.
ප්ලේ ඕෆ් තරඟ කොල්කටාහි ඊඩ්න් ගාර්ඩන් සහ අහමදාබාද්හි නරේන්ද්ර මෝදි ක්රීඩාංගනවලදී ක්රියාත්මක කළා.
