ජාත්‍යන්තර මූල්‍ය අරමුදල සමග ඇති කරගත් ගිවිසුම වෙනස් කිරීමට උත්සාහ කිරීමෙන් සිදු වන්නේ රටට ලැබීමට තිබෙන මුදල් අහිමිවීම බව ජනාධිපති රනිල් වික්‍රමසිංහ මහතා පවසනවා.
ජාත්‍යන්තර මූල්‍ය අරමුදල සමඟ රජය ඇති කරගෙන තිබෙන ගිවිසුම සම්බන්ධව නැවත සාකච්ඡා කිරීමට සූදානම් බව ඇතැම් ජනාධිපති අපේක්ෂකයන් වේදිකාවල පැවසුව ද, එවැන්නක් සිදු කිරීමට යාමෙන් වන්නේ රටට ලැබීමට තිබෙන මුදල් අහිමිව, නැවත රටේ ආර්ථිකය කඩා වැටීම බවයි ජනාධිපතිවරයා පෙන්වාදෙන්නේ.
ජනාධිපතිවරයා මේ බව සඳහන් කළේ සංවර්ධන හා ඉදිකිරීම් ක්ෂේත්‍රයේ වෘත්තීයවේදීන් සමඟ බත්තරමුල්ල වෝටර්ස් එජ් හෝටලයේ ඊයේ (21) පැවති හමුවේ දී නැගූ ප්‍රශ්නයකට පිළිතුරු ලබාදෙමින්.
මෙහිදී අදහස් දැක්වූ ජනාධිපතිවරයා පෙන්වා දුන්නේ රටක් ලෙස ඉදිරියට යාමට ස්ථාවර ආර්ථිකයක් අවශ්‍ය බවත්, එසේම රජය මේ වන විට ජාත්‍යන්තර මූල්‍ය අරමුදල, ආසියානු සංවර්ධන බැංකුව, ලෝක බැංකුව, චීන එක්සිම් බැංකුව සහ තවත් රටවල් 17ක් සමඟ ගිවිසුම්ගතව ලබාගත හැකි සියලු සහන ලබාගෙන ඇති බවයි.
