ජාත්යන්තර රතු කුරුස කමිටුවේ (ICRC) නියෝජිතයන් පිරිසක් කතානායක ජගත් වික්රමරත්න මහතා හමුවුණා.
ශ්රී ලංකා ජාත්යන්තර රතු කුරුස කමිටුවේ නියෝජිත කණ්ඩායමේ නව ප්රධානී සෙවරින් ෂපාස් මහත්මිය (Ms Séverine Chappaz), ශ්රී ලංකා ජාත්යන්තර රතු කුරුස කමිටුවේ සන්නිවේදන කළමනාකරු රුවන්ති ජයසුන්දර මෙනවිය, ජාත්යන්තර රතු කුරුස සහ රතු ක්රෙසන්ට් සමිති සම්මේලනයේ දකුණු ආසියානු නියෝජිත ප්රධානි ජෝන් එන්ට්විස්ල් මහතා (Mr John Entwistle) සහ ශ්රී ලංකා රතු කුරුස සමාජයේ අධ්යක්ෂ ජනරාල් වෛද්ය මහේෂ් ගුණසේකර මහතා ඇතුළු පිරිසක් මෙම හමුව සදහා එක් වී සිටියා.
ශ්රී ලංකා පාර්ලිමේන්තුවේ කාර්යමණ්ඩල ප්රධානී සහ නියෝජ්ය මහලේකම් චමින්ද කුලරත්න මහතා ද මෙම අවස්ථාවට සහභාගී වුණා.
ජාත්යන්තර රතු කුරුස කමිටුවේ ක්රියාකාරිත්වය සහ එමගින් ශ්රී ලංකාවේ සංවර්ධනය සදහා එහි දායකත්වය ලබා දිය හැකි ආකාරයන් පිළිබඳ ව පාර්ලිමේන්තු මන්ත්රීවරුන් සදහා වැඩමුළුවක් පැවැත්වීම පිළිබද සාකච්ඡා කිරීම හමුවේ මුලික අරමුණ වූ බවයි වාර්තා වන්නේ.
ශ්රී ලංකාවේ ජාතික සංහිදියාව ගොඩනැගීම වෙනුවෙන් ක්රියාත්මක කරන නව ප්රතිපත්ති සහ දසවන පාර්ලිමේන්තුව මගින් ළඟා කරගෙන ඇති නව දේශපාලන සංස්කෘතික ජයග්රහණ පිළිබඳවත් මෙහි දී දෙපාර්ශ්වයේ අවධානයට යොමු වුණා.
