ඉන්දියාවේ කේරළ ප්රාන්තයේ සියලුම පාසල් සඳහා අද (20) දිනය නිවාඩු දිනයක් බවට ප්රකාශ කර තිබෙනවා.
FIFA පාපන්දු ලෝක කුසලානයේ අවසන් මහා තරගය නරඹා පාසල් ළමුන් සහ ගුරුවරුන්ට සුවදායි නින්දක් ලබාගැනීම වෙනුවෙන් මෙලෙස අද දිනය නිවාඩු දිනයක් බවට ප්රකාශ කර ඇති බවයි වාර්තා වුණේ.
කේරළ ප්රාන්තයේ අධ්යාපන අමාත්ය එන් සම්සුදීන් ඊයේ දිනයේ සිය සමාජ මාධ්ය ගිණුම් හරහා මෙම තීරණය දැනුම් දී තිබුණා.
මේ අතර අද දිනයේ ලබාදෙන නිවාඩුව සාමාන්යයෙන් නිවාඩු දිනයක් වන සෙනසුරාදා දිනයේ හිලව් කරගැනීමට කටයුතු කළ යුතු බවට කේරළ අධ්යාපන අමාත්යවරයා යෝජනා කර තිබෙනවා.
එක්සත් ජනපදයේ නිව් ජර්සි හි මෙට්ලයිෆ් ක්රීඩාංගණයේදී පැවැත්වෙන FIFA ලෝක කුසලාන අවසන් මහා තරගය සඳුදා ඉන්දියාවේ වේලාවෙන් සඳුදා අලුයම 12:30ට ආරම්භවූ අතර, තරගය අලුයම 3.30ට පමණ අවසන් වුණා.
මෙහිදී ප්රබල ආර්ජන්ටිනා කණ්ඩායම ගෝල එකට බින්දුවක් ලෙස පරාජයට පත්කරමින් පාපන්දු ලෝක ශූරතාව දිනා ගැනීමට ස්පාඤ්ඤ කණ්ඩායම සමත් වුණා.
