2026 පාපන්දු ලෝක කුසලාන අවසන් මහා තරගය පැවැත්වෙන නිව්යෝර්ක් නිව් ජර්සි ක්රීඩාංගණයේ තණතීරුවේ කුඩා කොටස් අන්තර්ජාලය හරහා අලෙවි කිරීමට ජාත්යන්තර පාපන්දු සංගමය තීරණ කර තිබෙනවා.
ජූලි 19 වන දින පැවැත්වෙන අවසන් තරඟයෙන් පසුව මෙම කොටස් අලෙවි කිරීම ආරම්භ කරන බවයි වාර්තා වන්නේ.
ඇමරිකා එක්සත් ජනපදයේ සහ එක්සත් රාජධානිය සහ යුරෝපයේ ගැනුම්කරුවන්ට පමණක් මෙම කොටස් මිල දී ගැනීමට අවස්ථාව සලසාදීමට නියමිතයි.
තණතීරුවේ කුඩා කොටස්වලට අමතරව රන් පැහැයෙන් කැටයම් කළ ලෝහ ටිකට් පතක්, කුඩා අනුරූ ලෝක කුසලාන අවසන් බෝලයක් සහක් කුඩා වීදුරු ලෝක කුසලාන අනුරුවක් ද සිහිවටන ලෙස මීට එක්කර තිබෙනවා.
මෙම වටිනා සිහිවටන සියල්ල ඇක්රිලික් ආවරණයක් තුළ බහා ඇති අතර, 2026 ලෝක කුසලාන ලාංඡනය, ස්ථානය, දිනය සහ තරඟයේ අවසාන ලකුණු එහි කොටා තිබෙනවා.
එක්සත් රාජධානිය පදනම් කරගත් Keep Stub නැමැති සමගම විසින් මෙම සිහිවටන නිෂ්පාදනය කරන අතර, සංස්කරණ හතරකට මෙම සිහිවටන සීමිත ප්රමාණයක් නිර්මාණය කරන බවයි වාර්තා වන්නේ.
එම එක් එක් සංස්කරණයන් විවිධ මිල ගණන් යටතේ මිල දී ගැනීමේ හැකියාව පවතිනවා.
මෙම සිහිවටන අලෙවියෙන් ඩොලර් මිලියන 11.2 කට වඩා වැඩි ආදායමක් උපයාගැනීම අරමුණ වී තිබෙනවා.
