සේවක අර්ථසාධක අරමුදලට අදාළ මුදල් ආයෝජනය කර ඇති ආයතන පිළිබඳ වාර්තාවක් ඉදිරිපත් කරන ලෙස විදෙස් රැකියා සහ ශ්රමය පිළිබඳ ආංශික අධීක්ෂණ කාරක සභාව මහ බැංකුව නියෝජනය කරනමින් කමිටුවට සහභාගී වූ නිලධාරීන්ට උපදෙස් ලබා දී තිබෙනවා.
මෙම උපසදස් ලබා දෙන ලද්දේ විදෙස් රැකියා සහ ශ්රමය පිළිබඳ ආංශික අධීක්ෂණ කාරක සභාව එහි සභාපති පාර්ලිමේන්තු මන්ත්රී හෙක්ටර් අප්පුහාමිගේ ප්රධානත්වයෙන් පාර්ලිමේන්තුවේ දී පසුගියදා රැස් වූ අවස්ථාවේදීයි
ඒ, අනුව සේවක අර්ථසාධක අරමුදලට අදාළ මුදල්ල ආයෝජනය කර ඇති මුදල්, අලාභ හා ලාභය සහ එම මුදල් ආයෝජනය කර ඇති ආයතන ඇතුළත් වාර්තාවක් සකස් කරන ලෙස සභාපතිවරයා මෙහිදී උපදෙස් ලබා දුන්නා.
සේවක අර්ථසාධක අරමුදලේ ඇත්තේ ජනතාවගේ මුදල් බැවින් කිසියම් පුද්ගලයෙක් විශ්රාම ගැනීමෙන් පසු කිසිඳු කරදරයකින් තොරව ඔවුන්ට අපේක්ෂිත ප්රතිලාභ සැලසෙන සුමට හා කාර්යක්ෂම ක්රියාවලියක් ස්ථාපිත කළ යුතු බව කමිටු සභාපතිවරයා ප්රකාශ කළා.
ඒ, අනුව සේවක අර්ථසාධක අරමුදලේ වඩා හොඳ ක්රියාකාරීත්වයක් සහ ඉදිරි කටයුතු තීරණය කිරීම සඳහා විෂයට අදාළ විශේෂඥයින් කැඳවීමට කමිටුව තීරණය කළා.
සේවක අර්ථසාධක අරමුදල අදාළ අයදුම්කරුවන් වෙත ප්රතිලාභ තැන්පත් කිරීමේදී සිදුවන ප්රමාදයන් සම්බන්ධයෙන් කමිටුව සිය කලකිරීම ප්රකාශ කර සිටියා.
අරමුදලේ ක්රියාකාරීත්වය සුමට කිරීම සඳහා මධ්යම දත්ත ගබඩාවක අවශ්යතාවය මෙහිදි ඉදිරිපත් වූ අතර, ඇතැම් රාජ්ය ආයතන සහ ප්රාදේශීය වැවිලි සමාගම් නියමිත සේවක අර්ථසාධක අරමුදලට අදාළ දායකත්ව ගෙවීමට අපොහොසත් වී ඇති බව කම්කරු දෙපාර්තමේන්තුව මෙහිදී අනාවරණය කළා.
ඒ, අනුව මේ සම්බන්ධයෙන් වැඩිදුර සොයාබැලීම සඳහා ඊට වගකිව යුතු රාජ්ය ආයතන සහ ප්රාදේශීය වැවිලි සමාගම් කාරක සභාව හමුවට කැඳවන ලෙස විදේශ රැකියා සහ ශ්රමය පිළිබඳ ආංශික අධීක්ෂණ කාරක සභාව උපදෙස් දුන්නා.
ජාතික කම්කරු අධ්යයන ආයතනය 2020 වසර සඳහා සිය වාර්ෂික වාර්තාව මෙහිදී කමිටු සභාපතිවරයා වෙත ඉදිරිපත් කරනු ලැබුවා.
