හිටපු අමාත්ය අනුර ප්රියදර්ශන යාපා මහතා මීට ටික වේලාවකට (23) පෙර අධිකරණයට ඉදිරිපත් කළා.
——————————————
හිටපු පාර්ලිමේන්තු මන්ත්රීවරයෙකු සහ අමාත්යවරයෙකු වන අනුර ප්රියදර්ශන යාපා මහතා සහ ඔහුගේ බිරිඳ අපරාධ පරීක්ෂණ දෙපාර්තමේන්තුව විසින් සිය අත් අඩංගුවට ගනු ලැබුවා.
ඊයේ (22) රාත්රියේ දී මොවුන් දෙදෙනා අත් අඩංගුවට ගැනුණු අතර මුල්ය වංචා සහ මූල්ය සාපරාධී පරිහරණයක් මෙන් ම පොදු දේපොළ පනත යටතේ අදාළ වරද සිදු කර ඇති බවට චෝදනා එල්ල වීම හේතුකරගෙනයි අත් අඩංගුවට ගැනීම සිදු කර ඇත්තේ.
සැකකරුවන් අද (23) පෙරවරුවේ අධිකරණයට ඉදිරිපත් කිරීමට නියමිත ව තිබෙනවා.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග මහතා පැවසුවේ 2014 වසරේ දී බිංගිරිය, නාරම්මල ප්රදේශවල ගංවතුරින් අවතැන් වූ පුද්ගලයන්ට සහන සැලසීමේ මුවාවෙන් ඛනිජ තෙල් නීතිගත සංස්ථාව මගින් රුපියල් හැටඑක් ලක්ෂ හතළිස් හයදහස් එකසිය දහයක මුදලක් ලබාගෙන, එම කටයුත්ත සඳහා භාවිතා නොකර එම මුදලින් 2015 වසරේ ජනාධිපතිවරණයේ ප්රචාරක කටයුතු සිදු කිරීම ඔහුට එරෙහිව ඇති චෝදනාව බවයි.
