සී.සී.ටී.වී. කැමරා නිරීක්ෂණය මඟින් ඊයේ (23) දිනය තුළ හදුනා ගත් කොළඹ අවට මාර්ග නීති කඩකළ රියදුරන් 140කට අවවාද කිරීමට පොලීසිය කටයුතු කර තිබෙනවා.
පොලිසිය සඳහන් කරන්නේ, මෙහිදි හඳුනා ගත් වැරදි අතර තීරු මාරු කර ධාවනය කිරීම සහ නැවැතුම් රේඛාවේ නොනවත්වා ධාවනය කිරීමේ වරදවල් නිරීක්ෂණය වූ බවයි.
විශේෂයෙන්ම සී.සී.ටී.වී. ජංගම රථ මගින්ද කොළඹ නගරයේ හදුනාගත් ස්ථාන වල නඩු ලබාගැනීම ආරම්භ කරඇති අතර, ඉදිරියේදී අනෙකුත් නගරවලට ද ජංගම රථ යොමු කර නඩු ලබාගැනීමට කටයුතු කරන ලෙස වැඩබලන පොලිස්පති දේශබන්දු තෙන්නකෝන් මහතා විසින් අදාල පොලිස් නිළධාරීන් වෙත උපදෙස් ලබාදී තිබෙනවා.
