අද දහවල් (31)සැක කටයුතු වෑන් රථයක් හේතුවෙන් බණ්ඩාරවෙල නගරයේ දැඩි උණුසුම්කාරී තත්ත්වයක් ඇති වුණා. ප්‍රදේශයට යුද හමුදා බෝම්බ නිෂ්ක්‍රීය අංශයද කැඳවා තිබූ අතර, පසුව අනාවරණ වී තිබෙන්නේ පෙම් යුවළක් පලා ආ වෑන් රථයක් එලෙස අතහැර දමා තිබූ බවයි. බණ්ඩාරවෙල නගරයේ පුෂ්පාරාම විහාරස්ථානය ඉදිරිපිට සැක කටයුතු ලෙස මෙලෙස වෑන් රථයක් අතහැරදමා ගොස් තිබෙන අයුරු ප්‍රදේශවාසින් දැක තිබෙනවා.
වාහනය කිසියම් ආකාරයේ පහරදීමකට ලක්ව තිබූ අතර, ඒ තුළ සැක කටයුතු භාණ්ඩ කිහිපයක් ද තිබෙන අයුරු එය නිරීක්‍ෂණය කිරීමේදී දැකගත හැකි වී තිබෙනවා. පොලිසිය කටයුතු යොදා තිබුණේ බුද්ධි අංශයේ සහයෝගය මෙන්ම දියතලාව යුද හමුදා බෝම්බ නිෂ්ක්‍රීය අංශයේ ද සහය පරීක්‍ෂණ සඳහා ලබා ගැනීමටයි. සිදුකළ මෙහෙයුමකදී වෑන් රථයේ හිමිකරුවන් වූ පෙම්වතුන් යුවළක් ඇතුළු සිව්දෙනෙක් බණ්ඩාරවෙල හෝටලයක සිටියදී පොලිස් භාරයට ගෙන තිබෙනවා.
එහිදී අනාවරණ වී තිබෙන්නේ අකුරණ ප්‍රදේශයේ පෙම්යුවළක්. ඥාතීන්ගෙන් එල්ල වූ විරෝධතා මැද නිවෙස්වලට රහසින් පළාවිත් ඇති බවයි. සහයට තවත් පෙම් යුවළක් ඔවුන් හා මේ වාහනයේ ගමන් කර ඇති අතර, දිගන නගරයේදී ඥාතීන්ගේ හා හිතවතුන්ගේ දැඩි පහරකෑමකට ඔවුන් ලක්ව තිබෙනවා. පහරකෑමට ලක් වු සිව්දෙනා බණ්ඩාරවෙලට පලාවිත් ඊයේ රාත්‍රියේ මෙම රථය මෙලෙස පුෂ්පාරාම විහාරස්ථානය අසල අතහැර දමා තිබියදී මෙලෙස ප්‍රදේශවාසින්ට හමුවී තිබෙන්නේ. කෙසේ වෙතත් අදාළ පෙම් යුවලට නිරපද්‍රිතව පිටව යාමට පොලිසිය අවස්ථාව සලසා දුන්නා.
එම වීඩියෝව පහතින්
