ලෝක ප්‍රසිද්ධ WWE තරගාවලිය අතර තුර ශ්‍රී ලංකාවට පැමිණෙන ලෙස ලෝකයටම ආරාධනා කළ ලංකාවේ තරුණයා (ඡායාරූප)

රට තුළ මතුව ඇති ඩොලර් හිඟය හේතුවෙන් මේ වනවිට ශ්‍රී ලංකාව දැඩි ආර්ථික අර්බුදයකට මුහුණ පා සිටිනවා.

මේ හේතුවෙන් රට තුළට ඩොලර් ගෙන්වා ගැනීම සඳහා විවිධ යෝජනා සහ වැඩසටහන් ක්‍රියාත්මකයි.

මෙහිදී වැඩි අවධානයක් සංචාරක ක්ෂේත්‍රය කෙරෙහි යොමුව ඇති අතර එහිදී සංචාරකයින් වැඩි වශයෙන් මෙරටට ගෙන්වා ගැනීම සදහා විවිධ වැඩසටහන් ක්‍රියාත්මක කෙරෙනවා.

ඒ, අනුව visit sri lanka (ශ්‍රී ලංකාවට පැමිණෙන්න) යනුවෙන් සංචාරකයින් දැනුවත් කිරීමේ ප්‍රවර්ධන වැඩසටහනක් සමාජය තුළ නිර්මාණය වී තිබෙනවා.

මෙම වැඩසටහනට බොහෝ දෙනෙක් ස්වේච්ඡාවෙන් සම්බන්ධ වී ඇති ආකාරය දැක ගැනීමට ද හැකියාව ලැබුණා.

ඒ ආකාරයෙන් මෙරටට පැමිණ ශ්‍රී ලංකාවට සහයෝගයක් දක්වන ලෙස විදේශිකයින්ට ඇරයුම්කරන මෙරට තරුණයෙකු පිළිබඳව ඇමරිකාවෙන් වාර්තා වනවා.

මේ වනවිට ඇමරිකාවේ ජීවත්වන ප්‍රවේන්ද්‍ර සතාසිවම් නැමැති මෙම තරුණයා පසුගියදා පැවති ලෝක ප්‍රසිද්ධ WWE තරගාවලියක් අතර තුර විදේශිකයින්ට ශ්‍රී ලංකාවට පැමිණෙන ලෙස ආරාධනා කරන අයුරු දැක ගැනීමට හැකියාව ලැබුණා.

visit sri lanka ලෙස සටහන් කළ නාම පුවරුව සහ ශ්‍රී ලංකා ජාතික ධජය අතැතිව ප්‍රවේන්ද්‍ර ලෝක ප්‍රසිද්ධ WWE තරගාවලිය අතර තුළ ලෝකවාසීන්ට, ශ්‍රී ලංකාවට පැමිණෙන ලෙස මෙලෙස ආරාධනා කර සිටියා.