කැකුළු සහල් අලෙවියට උපරිම සිල්ලර මිලක්

කැකුළු සහල් අලෙවියට උපරිම සිල්ලර මිලක් නියම කරමින් අති විශේෂ ගැසට් නිවේදනයක් ඊයේ ප්‍රකාශයට පත් කළා.

පාරිභෝගික කටයුතු පිළිබද අධිකාරියේ සභාපතිවරයා විසින් මෙම ගැසට් නිවේදනය නිකුත්කර තිබෙනවා.

මෙම නව ගැසට් නිවේදනයට අනුව දේශීය සුදු හෝ රතු කැකුළු සහල් කිලෝවක් අලෙවි කළ හැකි උපරිම සිල්ලර මිල වන්නේ රුපියල් 210ක්.

ඒ, අනුව මෙම උපරිම සිල්ලර මිලට වඩා වැඩියෙන් වෙළඳාම් කිරීම, සැපයීම, වෙළඳාම් කිරීම සඳහා ඉදිරිපත් කිරීම හෝ වෙළඳාම් කිරීම සඳහා ප්‍රදර්ශනය කිරීම නොකළ යුතු බවට ද මෙම ගැසට් නිවේදනය මඟින් නියෝග කර තිබෙනවා.