ඉගෙනීම සඳහා වයස අභියෝගයක් නොවන බව ආදර්ශයෙන් තහවුරු කළ 95 හැවිරිදි මිත්තනියක් පිළිබඳව තොරතුරු නාවලපිටිය ප්රදේශයෙන් අංශයට වාර්තාවුණා.
ලීලාවති ඇස්ලින් ධර්මරත්න නැමති ඇය මෙරට වයසින් වැඩිම විභාග අපේක්ෂිකාවයි.
ප්රථමයෙන් ඉංග්රීසි ගුරුවරියක් ලෙස සේවයට එක්වූ ඇය පසුව නොතාරිස්වරියක් ලෙසද කටයුතු කර තිබෙනවා.
ඇය අද මහනුවර ඩී.එස්. සේනානායක විද්යාලයේ ස්ථාපිත විභාග මධ්යස්ථානය වෙත පැමිණ සිටියේ ත්රිපිටක ධර්ම සහ පාලි භාෂා උපාධිය වෙනුවෙන් පරීක්ෂණයට මුහුණදීම සඳහායි. මෙවැනි වයසකදී විභාගයට මුහුණදුන් අදාළ මිත්තනිය ප්රකාශ කළේ විභාගය සමත් වුවහොත් කැළණිය විශ්වවිද්යාලයේදී පශ්චාත් උපාධි පරීක්ෂණයටද පෙනී සිටින බවයි. අධිෂ්ඨාණය පවතින්නේ නම් කළ නොහැක්කක් නොමැති බවද ඇය කියා සිටියා.
