චීනයේ පෙර පාසල් දරුවන්ගෙන් ශ්‍රී ලංකාවට ආධාරයක්

චීනයේ පෙර පාසල් දරුවන් පිරිසක් තම ‘පොකට් මනී’ එකතු කර ආධාර ලෙස ලංකාවට එවන බව මෙරට චීන තානාපති කාර්යාලය පවසනවා.
චීනයේ Hangzhou හි Caihe No.3 ප්‍රාථමික පාසලේ සිසුන් මෙලෙස ශ්‍රී ලංකාවේ අඩු ආදායම් පවුල්වල දරුවන්ගේ අධ්‍යාපනය සඳහා මුදල් පරිත්‍යාග කළ බවයි මෙරට චීන තානාපති කාර්යාලය Twitter පණිවිඩයක් නිකුත් කරමින් සඳහන් කරන්නේ.
රුපියල් මිලියන 5 ක් මෙලෙස ඔවුන්ගේ පොකට් මනී ලෙස ලංකාවට පරිත්‍යාග කර තිබෙන අතර වත්මන් දුෂ්කරතා ජය ගත හැකිවේවා යැයි මෙම දරුවන් ප්‍රාර්ථනා කර ඇති බව එහි වැඩිදුරටත් සඳහන් වනවා.