රයිනි චාරුකා කියලා කියන්නේ චංචල දෑසේ මායා, නීල කඳු ගැටේ වැනි ගීතවලින් ගායිකාවක් ලෙස අතිශය ජනාදරයට පත් වුණා වගේම සිංහාවලෝකනය හරහා රංගන ශිල්පිනියක් ලෙසද රසික හදවත් වැළඳගත්තා. ඇයගේ අපූරු ඡායාරූප එකතුවක් පහුගිය දවසක සමාජ මාධ්යවලට එකතු වෙලා තිබුණා.
සංගීත ක්ෂේත්රයේ යුගයක් නිර්මාණය කළ ජනප්රිය ජනකාන්ත ගායකයෙකු වන රූකාන්ත ගුණතිලකගේ දියණියක් වන ඇයගෙන් නිතරම සම්මුඛ සාකච්ඡාවලදි අහන දෙයක් තමයි තාත්තා නිසා ක්ෂේත්රයේ ස්ථාවර වුනු කෙනෙක්ද ඔයා කියන එක,
ඇය ඒකට ලස්සන උත්තරයක් හැමදාම දීලා තියෙනවා.
“තාත්තා නිසා එන්න පුළුවන්, හැබැයි පවතින්න බෑ” කියන එක.
ඒ වගේම සිංහාවලෝකනයෙන් පස්සෙ ආයෙමත් රඟපෑවෙ නැත්තෙ ඇයි කියලා ඇහුවම ඇය දුන්නු උත්තරය තමයි,
“ආරාධනා ලැබුණා, ඒත් ඇමරිකාවේ ඉඳලා ආව ගමන් ඩිරෙක්ටර්ස්ලා ඉල්ලන්නෙ අමුතු චරිත. කොටට අඳින, හරියට සිංහල කතා කරන්න බැරි… මං ඉතින් එහෙම කෙනෙක් නෙමෙයි ඒ නිසා මං ඒවා භාර ගත්තේ නෑ” කියන එක.
