චීනයේ යලිත් කොවිඩ් හිස ඔසවන ලකුණු

වසර දෙකකට පසු චීනයේ කොවිඩ් – 19 ආසාදිතයින් සංඛ්‍යාව යළිත් වාර්තාගත ලෙස ඉහළ ගොස් තිබේ.

ඒ අනුව, අද (13) දිනයේ එරටින් නව ආසාදිතයින් 3,393 දෙනෙකු හඳුනාගෙන ඇති අතර එය 2020 වසරේ පෙබරවාරි මාසයෙන් පසු දිනක් තුළ වාර්තා වු වැඩිම ආසාදිතයින් සංඛ්‍යාව බව බලධාරීන් පෙන්වාදෙයි.

මේ වන විට චීනයේ ප්‍රදේශ රැසකින්ම නව ආසාදිතයින් වාර්තා වන අතර ෂැංහයි නුවර පාසල් වසා දැමීමට සහ නගර රැසක් වසා දැමීමට පවතින තත්ත්වය හේතුවී ඇති බව සඳහන් වේ.

කොවිඩ් -19 වෛරසය පළමුවරට චීනයෙන් වාර්තා වුවද ගත් දැඩි ක්‍රියාමාර්ග හේතුවෙන් වෛරසය ව්‍යාප්තිය පාලනය කර ගැනීමට ඔවුන්ට හැකිව තිබුණි.