දෛනික විදුලි කප්පාදුවෙන් ප්රධාන වශයෙන් කොළඹ ප්රදේශ කිහිපයක් නියමිත විදුලි කප්පාදුවෙන් නිදහස් කර ඇති බව පවසමින් ශ්රී ලංකා මහජන උපයෝගිතා කොමිෂන් සභාවට පැමිණිලි කිහිපයක් ලැබී ඇති බව වාර්තා වනවා.
නිවේදනයක් නිකුත් කරමින් මහජන කොමිසන් සභාව කියා සිටියේ විශේෂයෙන් කොළඹ නගරයේ ප්රදේශ කිහිපයක් යෝජිත විදුලි කප්පාදුවෙන් නිදහස් කර ඇති බවට තමන්ට දැන ගන්නට ලැබී ඇති බවයි.
කොළඹ නගරයේ ප්රභූ පුද්ගලයන්ගේ වාසස්ථාන පවතින ප්රදේශ කිහිපයක විදුලිය විසන්ධි කර නොමැති බව පාරිභෝගිකයින් පෙන්වා දී ඇති බවයි මහජන උපයෝගිතා කොමිසමේ සභාපති ජනක රත්නායක සඳහන් කර සිටියේ.
කොළඹ 1-10 යන ප්රදේශවල විදුලිය විසන්ධි කර නොමැති බව සොයා බැලීමේදී පෙනී ගිය බව ඔහු වැඩිදුරටත් සඳහන් කර සිටියේ.
කිසිදු භේදයකින් තොරව සියලුම පාරිභෝගිකයින්ට සාධාරණව විදුලිය විසන්ධි කරන ලෙස මහජන උපයෝගිතා කොමිෂන් සභාව විසින් ලංකා විදුලිබල මණ්ඩලයට උපදෙස් ලබාදී ඇති බවයි වාර්තා වන්නේ.
රෝහල් වැනි වැදගත් යටිතල පහසුකම් ඇති ප්රදේශ පමණක් නියමිත විදුලි කප්පාදුවෙන් නිදහස් කළ යුතු බවට මහජන උපයෝගිතා කොමිසම වැඩිදුරටත් උපදෙස් ලබාදී ඇත.
මේ අතර, නියමිත පරිදි කිසියම් ප්රදේශයකට විදුලිය විසන්ධි නොකරන්නේ නම් ඒ සම්බන්ධයෙන් පැමිණිලි කරන ලෙස බලශක්ති අමාත්යාංශයේ ලේකම් වසන්ත පෙරේරා පාරිභෝගිකයින්ගෙන් ඉල්ලා සිටියි.
1987 ක්ෂණික ඇමතුම් අංකය ඔස්සේ අමාත්යාංශය ඇමතීමෙන් පාරිභෝගිකයින්ට තම පැමිණිලි ඉදිරිපත් කළ හැකි බව ඇය පැවසුවා.
