ඔක්සිජන් මත යැපෙන කොවිඩ් ආසාදිතයින්ගේ සංඛ්යාව 10%කින් ඉහළ ගොස් තිබෙන බව සෞඛ්ය අමාත්යාංශය පවසනවා.
දැඩි සත්කාර ඒකක ඇඳන් 70 න් 66ක්ම භාවිත කරමින් ඇති බවයි එහි කොවිඩ් රෝග වැළැක්වීමේ ජාතික සම්බන්ධීකාරක විශේෂඥ වෛද්ය අන්වර් හම්දානි මහතා සඳහන් කළේ.
විදෙස්ගත වන සිසුන්ට අවශ්ය එන්නත් ලබාදීමේ වැඩපිළිවෙළ පිළිබඳව ද ඔහු සඳහන් කළා.
මාතලේ දිස්ත්රික්කයේ ඉලක්කගත කණ්ඩායම්වලින් 63%ක් බූස්ටර් එන්නත ලබාගෙන තිබෙන බවයි සෞඛ්ය අමාත්යාංශය පැවසුවේ.
මහනුවර, අම්පාර හා අනුරාධපුර දිස්ත්රික්කවල ජනතාවගෙන් ඉහළ ප්රතිශතයක් ද බූස්ටර් මාත්රාව ලබාගෙන ඇති බවයි සෞඛ්ය ප්රවර්ධන කාර්යාංශයේ අධ්යක්ෂ, වෛද්ය රංජිත් බටුවන්තුඩාව මහතා පැවසුවේ.
මේ අතර ඊයේ (18) දිනය තුළ කොවිඩ් ආසාදිතයින් 1,282ක් හඳුනාගත් බව සෞඛ්ය අමාත්යාංශය පවසනවා.
ඒ අනුව මෙරටින් හඳුනාගෙන ඇති සමස්ත ආසාදිතයින් ගණන 634,333ක් දක්වා ඉහළ ගොස් තිබෙනවා.
