ශ්රී ලංකාවේ විශාලතම වැසි වනාන්තරය වන සිංහරාජ රක්ෂිතය තුළ ශාක හා සත්ව ජාන සොරකම් වැඩිවෙමින් පවතින බවට පරිසරවේදීන් අනතුරු අඟවයි.
මේ අතර ප්රදේශවාසීන් ද පෙන්වා දෙන්නේ රක්ෂිතය ආසන්නයේ වන සංරක්ෂණ කාර්යාල නොතිබීම නිසා සිංහරාජ වනාන්තරය දැඩි අවදානමකට ලක්වී ඇති බවය.
මෙරටට ආවේනික ශාක හා සත්ව විශේෂ රැසකට නිවහන වූ සුවිශේෂී පරිසර පද්ධතියක් සහිත මෙරට විශාලතම වැසි වනාන්තරය වන්නේ සිංහරාජ රක්ෂිතයයි.
මෙලෙස සුවිශේෂි පරිසර පද්ධතියක් පැවතීම හේතුවෙන් එය ලෝක උරුමක් ලෙස ද නම් කර තිබේ.
මිනිස් ක්රියාකාරකම් හමුවේ දිනෙන් දින ශාක හා සත්ව ප්රජාවට සිදුවන තර්ජන වළක්වා ගැනීමට නීතිය ක්රියාත්මක කරන ආයතනවල මැදිහත්වීම අනිවාර්යය.
නමුත් රක්ෂිතය ආශ්රිතව ජීවත්වන ප්රෙද්ශවාසීන් පෙන්වා දෙන්නේ දඩයක්කරුවන් විසින් සතුන් දඩයම් කිරීම, පැළෑටි සහ සත්ව විශේෂ වනාන්තරයෙන් පිටමං කිරීම වැනි ජාන කොල්ලයන් මේ දිනවල වැඩි වශයෙන් සිදුවන බවය.
එයට ප්රධානතම හේතුව ලෙස ඔවුන් පවසන්නේ, සිංහරාජය අවට රත්නපුර දිස්ත්රික්කයේ කුඩව ප්රදේශයේ එක් වන සංරක්ෂණ කාර්යාලයක් පමණක් පවත්වාගෙන යන නමුත් සිදුවන සියලු ක්රියාකාරකම් පිළිබඳව සොයා බැලීමට ඔවුන්ට හැකියාවක් නොමැති වීමය.
සිංහරාජ මායිමේ පිහිටි නෙළුව ප්රදේශය ආශ්රිතව සිදුවන සිදුවීම් සම්බන්ධයෙන් සොයා බැලීමට හික්කඩුව ජාතික වනෝද්යානයෙනුත්, දෙනියාය ආශ්රිත සිදුවීම් පිළිබඳව විමර්ෂනය කිරීම සඳහා මිරිස්ස වනජීවී කාර්යාලයෙනුත් පැමිණිය යුතු වෙයි.
ප්රදේශවාසීන් වැඩිදුරටත් පවසන්නේ මෙම කාර්යාල දෙකටම කිලෝමීටර් සියයකට ආසන්න දුරක් පැවතීම හේතුවෙන්, සතුන් දඩයම් කිරීම් වැළැක්වීම්, තුවාල වූ සතුන්ට ප්රතිකාර කිරීම්, රක්ෂිත ගිනි තැබීම් වැළැක්වීම් ආදි සියල්ල ප්රමාද වන බවය.
සිංහරාජ වනාන්තරය ලෝක උරුමයක් නොවේ. ලෝක උරුම ලැයිස්තුවෙන් ඉවත් කර ඇත.