හෙට විදුළිය කැපෙයිද ??

හෙට දිනයේදී විදුළි ඉල්ලුම ඉහළ ගියහොත් විදුළි කප්පාදුවක් සදහා අවසර ලබා දීමට සිදුවන බව මහජන උපයෝගිතා කොමිසන් සභාව අවධාරණය කරනවා.

අද පැවති මාධ්‍ය හමුවකට එක්වෙමින් කොමිසමේ සභාපති ජනක රත්නායක මහතා පෙන්වා දුන්නේ මෙගාවොට් 2750 ක පමණ විදුළි පරිභෝජනයක් හෙට දිනයේදී සිදුවුවහොත් විදුළි කප්පාදුවක අවශතාවක් මතුවන බවයි.

මේ අතර කිසිදු ඉල්ලීමකින් තොරව අත්තනෝමතික පෙබරවාරි 03 වනදා සිදුවූ විදුළි කප්පාදුව කුමන පාර්ශවයකගේ අවශතාවක් මත සිදුව ඇත්දැයි යන්න මහජන උපයෝගිතා කොමිසන් සභාවට ගැටලුවක් වී ඇති බවට ජනක රත්නායක මහතා අවධාරණය කළා.

එදින සිදුවූ විදුළි කප්පාදුව සම්බන්ධයෙන් විදුළි බල මණ්ඩලයේ සාමාන්‍යාධිකාරවරයා හෝ සම්ප්‍රේෂණ අධිකාරිවරයා දැනුවත්වී නොමැති බවද ඔහු සදහන් කළා.