කොරෝනා වෛරසයේ තවත් නවතම ප්‍රභේදයක් පිළිබඳව චීන විද්‍යඥයින් පිරිසක් තොරතුරු අනාවරණය කර තිබෙනවා.
මෙම වෛරස් ප්‍රභේදය මිනිසා අතර සම්ප්‍රේෂණය වුවහොත් එය ආසාදිතවන පුද්ගලයින්ගෙන් තිදෙනෙකුගෙන් එක් අයෙක් මියයාමේ අවදානමක් පවතින බව ද විද්‍යාඥයින් පෙන්වා දෙනවා.
දකුණු අප්‍රිකාවේ වවුල් විශේෂයක් ආශ්‍රිතව හඳුනාගෙන ඇති මෙම කොරෝනා වෛරස් ප්‍රභේදය නියෝකොව් ලෙස නම් කර ඇති බවයි මේ පිළිබඳ තොරතුරු හෙළිදරව් කරමින් චීනයේ වුහාන් විශ්වවිද්‍යාලයේ සහ චීන විද්‍යා ඇකඩමියේ විද්‍යඥයින් දැනුම් දී ඇත්තේ.
වර්තමානය වන විට ලොව පුරා හඳුනාගෙන තිබෙන සියලු කොරෝනා වෛරස් ප්‍රභේදයන්ට වඩා ඉතා ඉහළ සම්ප්‍රේෂණ හැකියාවකින් යුත් මෙම නියොකොව් ප්‍රභේදය වඩාත් මාරාන්තික වීම ඉතා අවදානම් තත්ත්වයක් බවයි වාර්තා වන්නේ.
මෙම වෛරසය ආසාදනය වූ මිනිසුන් පිළිබඳව තවමත් නිශ්චිතවම තොරතුරු අනාවරණය නොවන බැවින් නියොකොව් ප්‍රභේදය පිළිබඳව තවදුරටත් පර්යේෂණ සිදු කිරීම අත්‍යාවශ්‍ය බවයි ලෝක සෞඛය සංවිධානය ද දැනුම් දී ඇත්තේ.
මීට පෙර 2012 වසරේ දී මැදපෙරදිග කලාපය ආශ්‍රිතව දැඩි සෞඛ්‍ය තර්ජනයක් එල්ල කල මර්ස් වෛරසයට බෙහෙවින් සමානකම් දක්වන මෙම නියොකොව් ප්‍රභේදය ද යම් හෙයකිනි සිව්වැනි රැල්ලක් ලෙස ලොව පුරා ව්‍යාප්ත වුවහොත් ඇතිවිය හැකි අවදානම් තත්ත්වය බරපතල බවටයි සෞඛ්‍ය අංශ අනතුරු අඟවා ඇත්තේ.
මගෙ දෙවියනේ..
karana kalata pau mihiriya mee se vidina kalata duk dadiwe i ginise