නීලා වික්‍රමසිංහ මහත්මියගේ දේහය ඊයේ (27 ) තුර්කි ගුවන් සේවයේ යානයකින් කටුනායක ගුවන් තොටුපළ වෙත රැගෙන එනු ලැබුවා
ඉතාලියේ දී ඇතිවූ හදිසි හෘදයාබාධයකින් ඇය ජීවිතක්ෂයට පත්වුණා
දේහය අද (28) සවස හයෙන් පසු පැපිලියාන දෙහිවල පාරේ අංක 85, 1/B දරණ නිවසේ මහජන ගෞරවය සඳහා තැන්පත් කෙරෙන අතර, දේහය පිළිබඳ අවසන් කටයුතු හෙට(29) දින ආගමික වතාවත්වලින් අනතුරුව බොරැල්ල පොදු සුසාන භූමියේ දී සිදු කිරීමට නියමිත බව දයාන් විතාරණ මහතා සිය ෆේස්බුක් ගිණුමේ සටහනක් තබමින් සඳහන් කර තිබෙනවා.
එමෙන්ම වැඩිදුරටත් සඳහන් කරන්නේ ‘නීලා අක්කාගේ වියෝව තවමත් මට සිතාගත නොහැකි දෙයක් වන අතර ඇගේ හඬ පවා මට තවමත් දසත රැව්දෙන්නාක් මෙන් සිතෙන බවයි .
ඇය වැනි හෘදයාංගම තැනැත්තියක් මෙසේ අපෙන් දුරස් වීම ඇගේ සෙනෙහස විඳි අප වැනි බොහෝ දෙනෙක්ට සිදුවූ මහා අඩුවක් .
ආදරණීය නීලා අක්කාට සසර ගමන ඉක්මනින් නිමාකොට නිවනින්ම නිවී සැනසෙන්නට පිංපෙත් පමුණුවමි !!!
