“යොහානි” කියන නම ඔබට දැන් අමුතුවෙන් හඳුන්වා දෙන්නට අවශ්‍ය නැහැ. ඇය මේ වෙද්දි ජාත්‍යන්තර ජයගෙන අවසන්. “මැණිකේ මගේ හිතේ” කියන එකම එක ගීතයක් නිසා ඇය මේ විදිහට ලෝකයේම අවධානය දිනාගන්නට සමත් වුණා.ඒ අතරතුර දී තමයි අසල්වැසි ඉන්දියාවෙන්, ප්‍රසංග දෙකක් සඳහා ඇයට ආරාධනා ලැබෙන්නේ.
ඇගේ මේ ඉන්දීය සංචාරය අතරතුරදී ඇය ගැන විවිධ ව්‍යාජ ප්‍රවෘත්තීන් රැසක් හුවමාරු වෙමිනුයි පවතින්නේ.
ඊයේ (01) ලංකාවේ ජාතික පුවත්පතක් වාර්තා කර තිබුණේ යොහානි පිළිගැනීමට අතිවිශාල ජනකායක් රැස්ව සිටි බවටයි.
කෙසේ වෙතත්, එය ව්‍යාජව නිර්මාණය කරන ලද්දක් බවයි පසුව තහවුරු වූයේ.
ඉන් අනතුරුව බොලිවුඩයේ දැවැන්තයෙකු වන අමිතාබ් බච්චන්, යොහානිව මුණ ගැසී ඇයට අතිවිශාල ත්‍යාගයක් ලබා දුන් බවට වන පුවතක් සමාජ මාධ්‍යයේ හුවමාරු වන්නට පටන් ගත්තා.
කෙසේ වෙතත්, මෙම ඡායාරූපය නිරීක්ෂණයේදී අපට තහවුරු වූයේ මෙය ව්‍යාජ ඡායාරූපයක් බවයි.
මෙහි දැක්වෙන චෙක්පතේ දැක්වෙන දිනය, 2019 වර්ෂයේ බව ද එය හොඳින් නිරීක්ෂණය කිරීමේදී දැක ගත හැකියි.
එමෙන්ම ඡායාරූපය යම් කිසි විදිහකින් නිර්මාණය කර ඇති නමුත්, යොහානිගේ කොණ්ඩා මෝස්තරය ද මෙය ව්‍යාජ බව තවදුරටත් ඒත්තු ගන්වනවා.
තවදුරටත් නිරීක්ෂණය කිරීමේදී දිපිකා පදුකෝන්, අමිතාබ් සමඟ යොහානි පෙනී සිටින සෙල්ෆි ඡායාරූපයක් ද මෙහි පළවී තිබෙනවා. නමුත් මෙය ද ව්‍යාජව නිර්මාණය කරන ලද්දක් බව ගූගල් සෙවුම්වදී අපට තහවුරු වුණාපහතින් දැක්වෙන්නේ ව්‍යාජ නිර්මාණය සඳහා යොදා ගත් “ඔර්ජිනල්” පෝස්ටුව යි.
wpDiscuz
