ගුරු විදුහල්පති වැඩවර්ජනයට පිළිගත හැකි විසඳුම් ලැබෙන තුරු 5 ශ්‍රේණියේ ශිෂ්‍යත්ව විභාගයේ සහ උසස් පෙළ විභාගයේ අයදුම්පත් දැමීම සිදුනොකරන බව ගුරු විදුහල්පති ඒකාබද්ධ වෘත්තීය සමිති සන්ධානය වෙනුවෙන් ලනක ගුරු සංගමයේ ලේකම් ජෝශප් ස්ටාලින් මහතා පැවසුවා.
රජය මැදිහත්වී ගුරු විදුහල්පති වැටුප් ප්‍රශ්නයට සාකච්ජා මාර්ගයෙන් විසදුම් ලබාදෙන ලෙසත් මේස ඇතිය තුළ එය කරන ලෙසත් ස්ටාලින් මහතා කියා සිටියා.
ඔහු මේ බව සදහන් කළේ අද (14) මාධ්‍ය වෙත අදහස් දක්වමිනි.
මෙම විභාග සඳහා අයදුම්පත් නිකුත් කිරීම අධ්‍යාපන අමාත්‍යාංශය හෙට (15) දිනය දක්වා දීර්ඝ කර තිබුණද විභාග කොමසාරිස් ජනරාල්වරයා පවසන පරිදි අයදුම්පත්වලින් ලැබී ඇත්තේ 50%ක් පමණි.
අයදුම් පත් යොමු කිරීම ගැන කතා කළද විභාග පැවැත්වීමට තවමත් දින නම් කර නොමැති අතර පාසල් වසා දමා ඇති තත්ත්වයක, දරුවන්ට ඉගැන්වීම සිදුනොවන තත්වයක අයදුම් පත් යොමු කිරීම තව සතියකින් කල් දමන ලෙසද ඔහු ඉල්ලා සිටියා.
කෙසේවෙතත් පිළිගත හැකි විසඳුමක් ලැබෙන තුරු මෙම වැඩවර්ජනය අවසන් නොකරන බවද ස්ටාලින් මහතා කියාසිටිය.
”මෙම අරගලය දිග්ගැස්සිලා තියෙන්නේ ආණ්ඩුවේ වරදින්. මේ ප්‍රශ්නයට විධිමත් වැඩපිළිවෙලක් දැම්ම නම් මෙහෙම වෙන්නේ නැහැ.
බලපෑම් කරලා මෙය නවත්වන්න බැහැ.”
මෙම වෘත්තීය සමිති ක්‍රියාමාර්ග පිලිබඳ අදහස් දැක්වීම සඳහා ශ්‍රේණිධාරී විදුහල්පති සංගම් වෙනුවෙන් ශ්‍රී ලංකා ජාතික විදුහල්පති සංගමයේ සභාපති පරාක්‍රම වීරසිංහ මහතාද මාධ්‍ය හමුවක් කැඳවා තිබුණි
wpDiscuz
