දරුවන් බිල්ලට ගත් ගුරු අරගලයෙහි ප්‍රධානියා දැන් කියන කතාව

ගුරු – විදුහල්පති වැටුප් විශමතා ගැටලුව විසඳුවහොත් වෙනදාටත් වඩා කාර්යක්ෂමව අවශ්‍ය සේවා සැපයීමට සූදානම් බව ලංකා ගුරු සංගමය පවසයි.

එහි ලේකම් ජෝසෆ් ස්ටාලින් මහතා අද (13) පැවැති මාධ්‍ය හමුවකදී සඳහන් කළේ රජය පාර්ශ්වයෙන් ගුරුවරුන්ට සහ විදුහල්පතිවරුන්ට බලපෑම් කිරීමෙන් අරගලය තවත් ඉදිරියට යන බවය.

“අපේ වෘත්තීය ක්‍රියාමාර්ගයේ කොටසක් හැටියට දැන් අපි තීරණය කරලා තියෙනවා, උසස් පෙළ සහ ශිෂ්‍යත්ව විභාග අයදුම්පත් ඉදිරිපත් නොකර සිටීමට. අපිට බලපෑම් කරන්න එපා කියලා අපි ආණ්ඩුවට බල කරලා කියනවා. වහාම මේ ප්‍රශ්නය විසඳුවොත් මේ සියලු ක්‍රියාවන් ඉබේම ක්‍රියාත්මක වෙනවා. අපි වෙනදාටත් වඩා කාර්යක්ෂමව කරන්න කැමතියි. අපිට බලපෑම් කරන්න කරන්න අරගලය පෙරට යනවා.”