භාණ්ඩ මිල තවදුරටත් ඉහළ යා හැකි බව අමාත්ය මහින්ද අමරවීර මහතා පවසනවා.
මාධ්ය හමුවක් අමතමින්.
දැනටමත් භාණ්ඩමිලේ ඉහළ යාමක් පවතින බව පිළිගන්නා අතර ඒ සම්බන්ධව කැබිනට් රැස්වීමේදීද දිගින් දිගටම සාකච්ඡා වූ බවයි ඔහු පවසන්නේ.
කෙසේ වෙතත් මෙය ශ්රී ලංකාවට පමණක් සීමා නොවූ ගෝලීය ගැටළුවක් බැවින් මිල පාලනය අපහසු බවත් මේ වන විටත් රජය විසින් ලබා දිය හැකි සහන විශාල ප්රමාණයක් ලබා දී ඇති බවත් ඔහු පවසනවා.
ඒ අනුව, ගෑස්, සීනි සහ කිරිපිටි මත පැනවූ බදු ඉවත් කරගැනීමට රජය කටයුතු කර ඇති බවති ඔහු පෙන්වා දෙන්නේ.
සහන දීම හරහා රාජ්ය ආදායමද පහළ ගොස් ඇති බැවින් වත්මන් යතාර්ථය අවබෝධ කරගත යුතුව ඇති බවයි අමාත්ය මහින්ද අමරවීර මහතා අවධාරණය කර සිටින්නේ.