කොවිඩ් වසංගතයේ දරුණුකම මත මේ වන විට රට වසා දමා තිබෙනවා.
ඒ දෛනිකව කොවිඩ් වසංගත තත්ත්වය මත මියයන සංඛ්‍යාව මෙන්ම වාර්තා වන රෝගීන් සංඛ්‍යාව සෞඛ්‍ය අංශ වලට දරා ගැනීමට අපහසු ආකාරයට ඉහළ ගොස් ඇති නිසා.
මිය ගිය අය අතර ප්‍රකට පුද්ගලයින්
කොවිඩ් වසංගතයෙන් මියගිය අය අතර ප්‍රකට පුද්ගලයින් , ක්‍රීඩකයින් , කලාකරුවන් මෙන්ම වෛද්‍යවරුන් ඇතුළු වෘත්තිකයින්ද සිටින බව වාර්තා වනවා.
මේ සම්බන්ධයෙන් සොයා බැලීමේදී දැනගන්නට ලැබුනේ මේ අයගෙන් අති මහත් බහුතරය කොවිඩ් මර්දන එන්නත්කරණය කරගෙන නොමැති බව.
ඒ සම්බන්ධයෙන් ඖෂධ සැපයුම් රාජ්‍ය අමාත්‍ය මහාචාර්ය චන්න ජයසුමනගෙන් විමසීමක් කළා.
එන්නත්කරණය සාර්ථකම විසඳුම
රාජ්‍ය අමාත්‍යවරයා මෙරට සෑම පුරවැසියෙකු ගෙන්ම ඉල්ලා සිටින්නේ කොවිඩ් මර්දන එන්නත්කරණය අනිවාර්යයෙන්ම කරගන්නා ලෙසටයි.
එය කොවිඩ් වසංගතයෙන් ජීවිතය ආරක්ෂා කර ගැනීමට මෙතෙක් ලොව සොයාගෙන ඇති සාර්ථකම විසඳුම බවයි රාජ්‍ය අමාත්‍යවරයා පෙන්වා දෙන්නේ.
දෛනිකව වාර්තා වන කොවිඩ් මරණ සංඛ්‍යාවෙන් 90% ක් පමණ එන්නත්කරනයට ලක් නොවූ අයගේ බවයි සෞඛ්‍ය අංශ වාර්තා කරන්නේ.
