හිටපු නියෝජ්ය අමාත්යවරයෙක්වන ප්රේමලාල් ජයසේකරට එරෙහිව පසුගිය සිකුරාදා විදේශ ගමන් තහනමක් පනවනු ලැබුවද, ඔහු ඊට පෙරම රටින් පිටව ගොස් ඇති බව අපරාධ විමර්ශන දෙපාර්තමේන්තුව අනාවරණය කරගෙන තිබෙනවා.
.
ප්රේමලාල් ජයසේකර හිටපු නියෝජ්ය අමාත්යවරයා ඇතුළු තිදෙනෙකුට එළඹෙන ඔක්තෝබර් 21 වනදා අධිකරණයේ පෙනී සිටින ලෙස නියෝග කළ ශ්රේෂ්ඨාධිකරණය, පසුගිය සිකුරාදා ඔවුන්ට එරෙහිව විදේශ ගමන් තහනමක් ද පනවනු ලැබුවා.
2015 වසරේදී ජනාධිපති අපේක්ෂක මෛත්රීපාල සිරේසේනගේ ජන රැළියක් අතරතුර කහවත්ත ප්රදේශයේ සිදුවූ වෙඩි තැබීමේ සිද්ධියකට අදාළව රත්නපුර මහාධිකරණය මගින් ප්රේමලාල් ජයසේකර, සබරගමුව පළාත් සභාවේ හිටපු මන්ත්රී නිලන්ත ජයසිංහ සහ කහවත්ත ප්රාදේශීය සභාවේ හිටපු සභාපති වජිර දර්ශන ද සිල්වා යන තිදෙනාට මරණ දඬුවම නියම කරනු ලැබුවා.
කෙසේවෙතත් පසුව අභියාචනාධිකරණය විසින් ඔවුන් නිදොස් කොට නිදහස් කිරීමටයි නියෝග කළේ.
එලෙස නිදොස් කොට නිදහස් කිරීමට එරෙහිව සිද්ධියෙන් මියගිය ශාන්ත දොඩංගොඩ නැමැත්තාගේ බිරිඳ විසින් ඉදිරිපත් කළ අභියාචන පෙත්සම විභාගයට ගත් අවස්ථාවේ දී ශ්රේෂ්ඨාධිකරණය විසින් මොවුන් තිඉදෙනාට විදෙස් ගමන් තහනමක් පනවනු ලැබුවා.
අධිකරණ නියෝගයට අනුව විදේශ ගමන් තහනම ක්රියාත්මක කිරීමට අපරාධ විමර්ශන දෙපාර්තමේන්තුව උත්සාහ කළ අවස්ථාවේ දී, ප්රේමලාල් ජයසේකර අගෝස්තු 31 වනදාම තායිලන්තය බලා පිටත්ව ගොස් ඇති බව අනාවරණය වී තිබෙනවා.
