සපුගස්කන්ද පොලිස් වසමේ බියගම සපුගස්කන්ද මාර්ගයේ සමෘද්ධි මාවත ආසන්නයේදී සපුගස්කන්ද දෙසට ධාවනය වූ කැබ් රථයක් රියැදුරුට පාලනය කරගත නොහැකිව මාර්ගයෙන් ඉවතට පැන මාර්ගයේ වම්පස වැලි තීරුවේ ගමන් කරමින් සිටි ළමුන් දෙදෙනෙකුගේ ගැටී අනතුරක් ඊයේ (29) දින සවස අනතුරක් සිදුව තිබෙනවා.
මෙම අනතුරින් බරපතල තුවාල ලැබූ ළමුන් දෙදෙනා කිරිබත්ගොඩ රෝහලට ඇතුළත් කිරීමෙන් පසු එක් ළමයෙක් මියගොස් ඇති අතර අනෙක් තුවාලකරු කොළඹ ජාතික රෝහල වෙත මාරුකර යවා ඇති බවයි පොලිසිය සඳහන් කළේ.
මරණකරු අවුරුදු 15ක් වූ ගෝනවල ප්රදේශයේ පදිංචිකරුවෙක්.
අනතුර සම්බන්ධයෙන් කැබ් රථයේ රියැදුරු අත්අඩංගුවට ගෙන ඇති අතර සපුගස්කන්ද පොලිසිය විසින් වැඩිදුර විමර්ශන සිදු කරනු ලබනවා.
