2025 වසරේ දී අගෝස්තු මාසය දක්වා කාලය ඇතුළත සංවිධානාත්මක අපරාධ සිදුවීම් 77ක් සිදුව ඇති නමුත්, 2026 වසරේ මේ දක්වා එවැනි සිදුවීම් 38ක් පමණක් සිදුව තිබෙනවා.
ඒ අනුව, රටම එකට ජාතික මෙහෙයුම විසින් නිකුත් කළ වාර්තා අනුව 2025 වසරේ අගෝස්තු මාසය වන විට එම වසරේ දී මෙරටින් වාර්තා වූ සංවිධානාත්මක අපරාධ සිදුවීම්වලට සාපේක්ෂව මෙම වසරේ දී මේ (අගෝස්තු 29) දක්වා සිදුව ඇති අපරාධ 50%කින් පමණ අඩු වී ඇති බව නිරීක්ෂණය වනවා.
2023 වර්ෂයේ දී මෙරටින් සංවිධානාත්මක අපරාධ සිදුවීම් 102ක් වාර්තා වී ඇති අතර, 2024 වර්ෂයේ දී එය 91 දක්වා අඩු වී, නැවත 2025 වර්ෂයේ දී 119ක් දක්වා වැඩි වී ඇති බව වාර්තාවල සඳහන්.
නමුත් 2026 වසරේ, මේ දක්වා සංවිධානාත්මක අපරාධ සිදුවීම් වාර්තා වී ඇත්තේ 38ක් පමණයි.
