පසුගිය බදාදා නේපාලයේ ටිබෙට් දේශසීමා කලාපයට බලපෑ හදිසි ගංවතුර හේතුවෙන් ජිවිත අහිමි වූ සංඛ්යාව 392ක් දක්වා ඉහළ ගොස් ඇති බව විදෙස් මාධ්ය වාර්තා කරනවා.
මෙම මහා ව්යසනයෙන් 1,400 කට වැඩි පිරිසක් අතුරුදහන්ව ඇති බවයි තොරතුරු වාර්තා වන්නේ.
මේ අතර චීන-නේපාල දේශසීමාව අසල ජල විලක් නිර්මාණය වී ඇති අතර එය එහි ඉවුරු බිඳී යා හැකි බවට අවදානමක් පවතින බව විදෙස් මාධ්ය වැඩිදුරටත් තොරතුරු වාර්තා වනවා.
චීන රාජ්ය ප්රවෘත්ති ඒජන්සිය වන ෂින්හුවා පවසා ඇත්තේ හදිසි ගංවතුරෙන් පසු නිර්මාණය වූ විලක් බිඳී ගොස් ගංවතුර ජලය පහළට ගලායාමේ ඉහළ අවදානමක් ඇති බවයි.
ගංවතුර සහ නායයෑම් හේතුවෙන් ප්රදේශ රැසකට දැඩි බලපෑම් එල්ල වී ඇති අතර, අතුරුදන්වූවන් සෙවීමේ සහ සහන මෙහෙයුම් තවදුරටත් ක්රියාත්මක වනවා.
මෙම මෙහෙයුම් සඳහා නිලධාරීන් 4,348 දෙනෙකු මේ වනවිට යොදවා ඇති බවයි වාර්තා වන්නේ.
නේපාලයේ දේශීය වේලාවෙන් පෙරවරු 08:37ට නේපාල-ටිබෙට් දේශසීමාව අසල රික්ටර් මාපකයේ 5.2 ක භූ කම්පන සිදුවීමක් සිදුව ඇති නමුත්, මෙය මුලින් භූමිකම්පාවක් යැයි සිතූ නමුත් එක්සත් ජනපද භූ විද්යා සමීක්ෂණ ආයතනය පැවසුවේ එය ග්ලැසියර කඩා වැටීමක් බව පවසා තිබෙනවා.
එම ග්ලැසියර කඩා වැටීමත් සමඟ මෙම ව්යසනකාරී ගංවතුර තත්ත්වය හටගත්තා.
