පාසල් පෙළපොත් තොගයක් අස්ථානගත වීමේ සිද්ධිය සම්බන්ධයෙන් විමර්ශන සඳහා දෙපාර්තමේන්තුව මට්ටමින් පරීක්ෂණ කමිටුවක් පත්කර තිබෙනවා.
මේ අතර පොලීසිය මගින් මේ සම්බන්ධයෙන් විමර්ශන ක්‍රියාත්ම කෙරෙනවා.
පෙළ පොත් තොගය ප්‍රවාහනයට භාරදීමෙන් පසු පළමු සැකකරු විසින් ඒවා අලව්ව ප්‍රදේශයේ ස්ථානයකට අලෙවි කර ඇති අතර, එහි හිමිකරු එම තොගය නාරම්මල ප්‍රදේශයේ මධ්‍යස්ථානයකට අලෙවි කර තිබුණා.
අනතුරුව එහි සිට වත්තල ප්‍රදේශයට එම පෙළපොත් තොගය රැගෙනවිත් ඇති බවයි විමර්ශනවලදී අනාවරණය වී ඇත්තේ.
පසුගිය මැයි 24 වනදා අධ්‍යාපන ප්‍රකාශන දෙපාර්තමේන්තුව විසින්, එම පෙළපොත් තොගය නැගෙනහිර පළාතේ පාසල් වලට බෙදීම සදහා භාරදී තිබෙනවා.
මීට සම්බන්ධ සැකකරුවන් පස්දෙනෙක් අත්අඩංගුවට ගෙන ඇති අතර, එම සැකකරුවන් ලබන 25 වනදා දක්වා රක්ෂිත බන්ධනාගාරගත කිරීමටයි නියෝග කළේ.
