ශ්‍රී ලංකා නීතිඥ සංගමයේ සමාජිකයි අද (10) සමස්ත ලංකා ජමියතුල් උලමා සංවිධානය හමු වී සාකච්ඡා පවත්වා තිබෙනවා.
විනිසුරුවරුන් විශ්‍රාම ගැන්වීමේ වයස් සීමාව දීර්ඝ කිරීම සම්බන්ධයෙන් වූ 22 වන ව්‍යවස්ථා සංශෝධනය පිළිබඳව නීතිඥ සංගමයේ මතය සහ අදහස් මෙහිදී සමස්ත ලංකා ජමියතුල් උලමා සංවිධානය හමුවේ පවසා සිටි බවයි එම සංගමයේ සභාපති නීතිඥ රජීව් අමරසූරිය සඳහන් කළේ.
ශ්‍රී ලංකා නීතිඥ සංගමය ලෙස මෙම ව්‍යවස්ථා සංශෝධනයට සම්පූර්ණ විරුද්ධ බවත් මේ වනවිටත් ඊට හේතු දක්වා ඇති බවයි සභාපතිවරයා මෙහිදී පවසා සිටියා.
