කතෝලික සභා ධර්මෝපදේශයට අනුව මරණීය දණ්ඩනය පිළිගත නොහැකි බව අති උතුම් කාදිනල් මැල්කම් රංජිත්
හිමිපාණන් පවසනවා.
නිවේදනයක් නිකුත් කරමින් උන්වහන්සේ පවසන්නේ එමඟින් මානව ගරුත්වය උල්ලංඝනය වන බවයි.
සාන්ත සභා ඉගැන්වීම තුළ කිසිදු මරණීය දණ්ඩනය පැනවීමක් සම්බන්ධයෙන් එකඟ වීමට නොහැකි බවයි උන්වහන්සේගේ අදාළ නිවේදනයේ දැක්වෙන්නේ.
ශ්‍රී ලංකා අධිකරණයේ ස්වාධීනත්වය කෙරෙහි අපි පූර්ණ විශ්වාසය තබන බවත්, එහි තීරණ වලට හෝ සාකච්ජාවන්ට හෝ කිසිදු ආකාරයකින් මැදහත් වීමට මේ මගින් අදහස් නොකරන බවත් අවධාරණය කරන බවයි කාදිනල් හිමිපාණන් වැඩිදුරටත් සඳහන් කරන්නේ.
කතෝලික සභාව පළිගැනීම සොයා නොයන බවත්, සාන්ත දෙවන ජුවාම් පාවුළු මුනිතුමන් ප්‍රකාශ කළේ ‘ සිත් වේදනාව සහ පෞද්ගලික පළිගැනීම පරාජය කරමින් සැමවිට හදවතින් සමාව දීමට පුද්ගලයන් කැදවනු ලබන බවත් උන්වහන්සේ නිකුත් කළ නිවේදනයේ වැඩිදුරටත් දැක්වෙනවා.
