වත්තල පොලිස් වසමේ කදිරාන පල්ලියවත්ත ප්රදේශයේ දී පසුගිය ජුලි මස 23 වනදා උත්සව ශාලාවක පැවති සාදයක දී වෙඩි තබා පුද්ගලයෙක් ඝාතනය කිරීමේ සිද්ධියේ වෙඩික්කරු සමඟ සැකකරුවන් තිදෙනෙක් අත්අඩංගුවට ගෙන තිබෙනවා.
බස්නාහිර පළාත උතුර අපරාධ කොට්ඨාසයේ නිලධාරීන් විසින් පොලිස් විශේෂ කාර්ය බලකා නිලධාරීන්ගේ ද සහාය ඇතිව සිදුකරන ලද විමර්ශනයකින් පසු මෙම සැකකරුවන් තිදෙනා ඊයේ (07) අත්අඩංගුවට ගෙන ඇති බවයි වාර්තා වන්නේ.
මෙලෙස අත්අඩංගුවට ගැනුණු සැකකරුවන් තිදෙනා ජින්තුපිටිය, මාතලේ සහ කඩුවෙල යන ප්රදේශවල පදිංචි අවුරුදු 26, 35 සහ 36 යන වයස්වල පසුවන අය බවයි පොලිඉසිය පැවසුවේ.
මෙම සැකකරුවන්ගෙන් එක් සැකකරුවෙකු වෙඩික්කරුවන් පැමිණි මෝටර් රථය පැදවූ රියැදුරු බවටත්, තවත් සැකකරුවෙක් වෙඩික්කුරු ලෙස ක්රියාකර ඇති බවට සහ අනෙක් සැකකරු අපරාධකරුවන්ට සැඟව සිටීමට ආධර අනුබල දුන් පුද්ගලයෙකු බවට හඳුනාගෙන තිබෙනවා.
