හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශ වල සුළගේ වේගය විටින් විට පැ.කි.මී. 60-70 දක්වා වැඩි වන අතර එම මුහුදු ප්රදේශ විටින් විට ඉතා රළු වන බව කාලගුණ විද්යා දෙපාර්තමේන්තුව දැනුම් දෙනවා.
හෙට (06) පෙරවරු 10.00 තෙක් වලංගු වන පරිදි නිවේදනයක් නිකුත් කරමින් කාලගුණ විද්යා දෙපාර්තමේන්තුව මේ බව දැනුම්දෙනවා.
එබැවින්, මෙම මුහුදු ප්රදේශයට නැවත දැනුම්දෙන තුරු යාත්රා නොකරන ලෙස නාවික සහ ධීවර ප්රජාවන් දැනුවත් කරන බවයි කාලගුණ විද්යා දෙපාර්තමේන්තුව විසින් නිකුත් කළ කාලගුණ නිවේදනයේ සඳහන් වුණේ.
පුත්තලම සිට කොළඹ සහ ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50-60 දක්වා වැඩි වන අතර එම මුහුදු ප්රදේශ විටින් විට රළු විය හැකි බව ද කාලගුණ නිවේදනයේ සඳහන්.
එබැවින් මෙම මුහුදු ප්රදේශවල ධීවර සහ නාවික කටයුතු වල යෙදන ධීවර සහ නාවික ප්රජාව මේ පිළිබඳව අවධානයෙන් කටයුතු කරන ලෙස ඉල්ලා සිටිනවා.
කාලගුණ විද්යා දෙපාර්තමේන්තුව විසින් මේ සම්බන්ධයෙන් නිකුත් කරනු ලබන ඉදිරි නිවේදන පිළිබඳව, අවධානයෙන් පසු වන ලෙස ධීවර හා නාවික ප්රජාවගෙන් ඉල්ලා සිටිනවා.
